Манай дэлхийн дотор олон ертөнц бий. Хүн төрөлхтөн муу үйл, зан авираа үргэлжлүүлсээр байгаа цагт бий болсон харгис энерги нь чөтгөрүүдэд бидний дунд оршин тогтнох эрхийг өгч, бидний амьдралд маш их зовлон зүдүүр үүсгэдэг.

Ау Лак буюу Вьетнам улсаас Нгок Триний илгээсэн сэтгэлийн үгийг одоо хүргэе:

Эрхэм хүндэт Тим ​​Ко Тү! 2024 оны төгсгөлийн нэгэн өдөр дотоод ахуй ойлголтдоо би өөрийгөө хүн төрөлхтөнгүй, хаа сайгүй дайнд сүйрсэн балгас харагдах дэлхийд төөрсөн байхыг олж мэдэв. Тэр ахуй ойлголтдоо би өөрийгөө агаарт нисэж, хүрээлэн буй орчноо байнга ажиглаж байхыг харсан. Би маш аймшигтай сөрөг энергийн талбайг мэдэрсэн. Тэр үед би: “Энэ миний амьдарч байгаа дэлхий мөн үү? Энэ ертөнц аль хэдийн чөтгөрүүдэд бүрэн эзлэгдсэн байж болох уу?” гэж гайхсан. Их Багш нэгэнтээ: “Чөтгөрүүдийн 41% нь хүмүүсийн дунд амьдардаг” гэж хэлснийг би эргэн санасан. Тэгээд би “Тийм бол Их Багшийн шавь нар хаана байна вэ? Наад зах нь тэд бага зэрэг Гэрэл тээж, эерэг энерги цацруулж байх учиртай. Тэд бүгд хаачсан бэ???” гэж хэлэв.

Энэ дотоод ойлголтоос хойш хэдэн өдрийн турш би энэ тухай бодох бүртээ гайхширсаар байв. Дараа нь 2025 оны 3-р сарын 3-нд шуурхай мэдээнд гаргасан айлдвартаа Та 958,222 оршихуйгаас бүрдсэн амар амгаланг сүйтгэгч зэрэг олон ертөнц оршдог гэдгийг илчилсэн билээ. Эдгээр төрөлтнүүд сүнсгүй байсан. Тэд муу энергиэс бүрэлдсэн бөгөөд үргэлж дайн хийж байлаа. Таны хуваалцсан сайн мэдээ нь тэднийг устсан тухай байсан. Нарийвчилсан тайлбарууд нь миний ахуй ойлголтдоо харсан зүйлтэй яг таарч байгааг мэдээд би үнэхээр их гайхсан. Суприм Мастер Телевизээр амар амгаланг сүйтгэгч ертөнцийн тухай айлдварыг үзээд, дахин дахин ухраан үзсэн. Миний ахуй ойлголтдоо харсан зүйл, энэ айлдвар хоёрын хоорондох цорын ганц ялгаа нь миний ахуй ойлголтод ямар ч хүн харагдахгүй байсан, бусдаар бол нарийн ширийн зүйл бүр нь яг адилхан байсан.

Тэр мөчид би эцэст нь тэр өдрийн дотоод ахуй ойлголт намайг таны хэлсэн амар амгаланг сүйтгэгч ертөнц рүү аваачсан болохыг ойлгосон юм. Энэ нь Их Багш үргэлж үнэнийг хэлдэг гэдгийг нотолж байна - зүгээр л төрөлтнүүд үүнийг харж чадахгүй байна!

Биднийг туйлын үнэн, хязгааргүй Хайраар гэгээрүүлсэн Хүндэт Тим Ко Түд хязгааргүй их талархаж байна. Дэлхий дээрх хамаг төрөлтөн Хайрын Агуу Оршихуй Танаас билгүүн ухааны гүн гүнзгий, алтан эрдэнийн үгсийг сонсож, сэрж сэхээрэн, буцаж эргэж, улмаар Та хуурмаг ертөнцийн чанад руу тэднийг үүрд мөнхөд замчлан явна хэмээн би чин сэтгэлээсээ найдаж байна. Хамгаас гүн хайр, хүндэтгэлийн хамт! Ау Лак (Вьетнам)-аас шавь Нгок Трин

Чин сэтгэлт Нгок Трин, Их Багшийн ярьсан шиг энэ ертөнцийн доторх ертөнцүүдийн нэгд очсон өөрийн туршлагаасаа хуваалцсанд баярлалаа.

Их Багш танд энэ хариултыг зориуллаа: “Үнэнч Нгок Трин, чин сэтгэлтэй, үнэнч Итгэгч хэвээр байгаад тань баярлалаа! Арьяабалын чин сэтгэлийн бясалгал дадлаараа дамжуулан харсан дотоод ахуй ойлголтдоо таны гэрчилж чадсан зүйл бол Дэлхий дээрх оршиж буй олон хүний үл мэдэх олон давхаргын нэг юм. Манай түвшин нь олон элемент, урхи занганаас бүрддэг бөгөөд биднийг урхидаж болох ямар ч нөхцөл байдал, сэтгэлгээний хэв маяг нь биднийг эдгээр сөрөг ертөнцүүдийн аль нэг рүү татагдан ороход хүргэж чадна. Манай дэлхийн дотор олон ертөнц бий. Хүн төрөлхтөн муу үйл, зан авираа үргэлжлүүлсээр байгаа цагт бий болсон харгис энерги нь чөтгөрүүдэд бидний дунд оршин тогтнох эрхийг өгч, бидний амьдралд маш их зовлон зүдүүр үүсгэдэг. Хэрэв бид бүгдээрээ веган болж, эх дэлхийтэйгээ зохицон, энэрэнгүй, хайраар дүүрэн амьдралын хэв маягаар амьдарвал эдгээр муу оршнол, энерги алга болж, биднийг амар амгалан үлдээх болно, учир нь тэднийг үлдээх ямар ч татах зүйл байхаа болино. Та болон Ау Лак (Вьетнам)-ын үнэнийг эрэлхийлэгч сүнснүүд Тэнгэрлэг ертөнцүүдийн өгөөмөр Хайранд баясаж, Будда нарын Гэрэлд алхах болтугай. Хайраар таныг тэвэрье.”