Энэ нь надад Гэрлийн Оршихуйнууд биднийг өдөр бүр, ялангуяа бид Бурханыг санах үед харж ханддаг гэдгийг дахин нэг удаа харуулсан.

Камерунаас Янник-ийн франц хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Суприм Мастер ТВ-ийн нийт хамт олонд мэндчилж байна; Хайрт Их Багшдаа халуун мэндчилгээ дэвшүүлье. Би Камеруных. Би 2016 оны 4-р сард авшиг хүртсэн. Авшиг хүртсэнийхээ дараа би хэд хэдэн туршлага хуримтлуулсан. Өнөөдөр би та бүхэнд хамгийн сүүлийнхийг нь хуваалцахыг хүсэж байна.

Би хүүхдүүдтэйгээ хамт Их Багшийн сургаалыг уншиж эхэлсэн. Орой бүр бид Их Багшийн сургаалыг ээлжлэн уншдаг бөгөөд үүний дараа бид хамтдаа залбирдаг.

Тиймээс би залбирал эхлэх бүрдээ аажмаар бие махбодоо мэдрэхээ больдог. Бид Хамгийн Хүчирхэг Өдөр Тутмын Залбирлыг хэд хэдэн удаа уншдаг гэдгийг онцлон тэмдэглэх нь зүйтэй.

Тэр өдөр, бид өглөө мөн адил зүйл хийсэн; бид ердийнхөөрөө залбирлаа эхлэхэд би бие махбодынхоо мэдрэмжийг алдаж эхэлсэн; би залбирах тусам бие минь улам томорч байх шиг санагдаж байв. Залбирал дуусахад хоёр дахь хүү маань, биднийг залбирч байх хооронд улаан Луу намайг тойрон эргэлдэж байхыг харсан ба дараа нь тэр Луу бидний залбирлын тойргийг тойрон эргэлдэж байгааг харсан гэж надад хэлсэн. Энэ нь надад Гэрлийн Оршихуйнууд биднийг өдөр бүр, ялангуяа бид Бурханыг санах үед харж ханддаг гэдгийг дахин нэг удаа харуулсан.

Хайрт Их Багш болон Суприм Мастер ТВ-гийн хамт олонд бүгдэд нь чин сэтгэлийн талархлаа илэрхийлье.

Янник, Камерун улсаас

Тэтгэгч Янник, сүнслэг оршихуйнуудаас бидний хүлээн авдаг үл үзэгдэх адислалуудын энэхүү гайхалтай сануулганд баярлалаа. Материаллаг ертөнцөд автаж, бидэнд соёрхогдсон хайр, адислалыг мартах нь амархан! Та болон гэрэлт Камерун Бурханлагаар мөнхөд дэвшигдэж байх болтугай, Суприм Мастер ТВ-ийн хамт олон

Жич: Их Багшийн танд хандсан хайрын хариу энд байна: “Анхааралтай Янник, та хүүхдүүдээ сүнслэг зам мөрөөр өсгөж, хүү тань үл үзэгдэх ертөнцийг харж чаддагийг сонсоод маш их баярлаж байна! Тэд сүнслэг гэр бүлд өсөж торнихын тулд таныг ааваараа сонгосон. Гадаад материаллаг ертөнцийн бэрхшээлийг үл харгалзан, тэднийг дагуулж, тууштай чиглүүлж байгаад тань талархаж байна. Та нартаа хайрын тэврэлт илгээж, маш их баяр баясгалан, амар амгалан, аз жаргал ерөөе. Та болон эелдэг Камеруны ард түмэн итгэл найдвар, хөгжил цэцэглэлтээр ямагт адислагдаж байх болтугай.”