Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Төгс Гэгээрсэн Их Багш Чин Хай амьд Их Багшийн ач холбогдол болон “Юу тарина, түүнийгээ хураана” хэмээх үйлийн үрийн хуулийг тайлбарласан юм. Хэрэв бид (Эзэн) Есүст үнэхээр итгэдэг, Түүнийг харахыг хүсвэл бид явж болно, гэхдээ бид Түүний оршин буй түвшин хүртэл дэвших ёстой. Үүнийг зөвхөн цөхрөлтгүй хичээл зүтгэл, бясалгал, залбирал, мөн Амьд Их Багшийн Ивээлээр л биелэл болгох боломжтой. Учир нь бие махбодод оршин буй Их Багштай холбоо тогтооход илүү амар. Бие махбодод оршиж буй Нэгэн мөн сүнсэнд ч оршдог. Харин зөвхөн сүнсэнд оршиж буй Нэгэн бие махбодод байж чадахгүй. Тиймээс Амьд Их Багш нь сүнсэн дэх Их Багшаас илүү чухал, эс бөгөөс та Түүнийг харж чадахгүй, тэр түвшин хүртэл дэвшиж чадахгүй. Их Багш махбодод оршихдоо Тэд мөн сүнсэнд оршдог. Иймээс (Эзэн Бурхан) Есүс Дэлхий дээр байхдаа Тэр юу хэлсэн бэ? “Эцэг, Бид хоёр нэг”. Дэлхий дээр Тэр махбодын биетэй байсан, ямар ч эгэл хүнтэй адилхан хооллож, алхаж, ундаалдаг байсан. Гэхдээ Тэр “Эцэг, Бид хоёр нэг” гэж хэлсэн. Тэр худал хэлээгүй; Тэр үнэнийг хэлсэн. Учир нь Тэр махбодын биед мөн сүнсэнд байсан. Түүнд махбодын биед болон сүнсэнд орших аль аль хүмүүст туслах зэмсэг байсан. Будда адилхан. Махбодын биед орших үедээ Тэр Диваажинд очиж чаддаг байсан. Тэр шавь нараа олон өөр янзын Диваажин руу дагуулж явсан. Хэрэв буддын өөр бусад судар уншвал, тэдгээрээс бид өөр төрлийн Диваажинг буюу өөр төрлийн Буддын Орнуудыг харна. Буддагийн Хүчний учраас энэ юм; Тэр нэгэн зэрэг олон газар - Дэлхий дээр, тамд, Диваажинд, Буддын Оронд, Бурханы Хаант улсад гэх мэт үзэгдэж чаддаг. Иймд нэгэн зэрэг Тэр өөр газруудад, өөр өөр түвшний шавь нарыг зааж сургаж, өөр өөр хүмүүсийг өөр өөр Диваажин руу нэгэн зэрэг дагуулж явдаг байсан. Энэ бол Амьд Их Багшийн Хүч юм. Жинхэнэ Амьд Их Багш ийм төрлийн Хүчтэй байдаг. Үгүй бол тэр Амьд Их Багш биш. Иймд (Эзэн Бурхан) Есүс Тэр махбодын биед зөвхөн оршоогүй. Өөд болсныхоо дараа, Тэр амь орсон; Тэр Диваажин руу ниссэн, гэхдээ жинхэнэ физик биеэр биш юм. Гэрлэн бие, сүнслэг бие байсан. Библи хэт товч. Ахуй ойлголт маш цөөхөн, хэтэрхий ховор. Иймээс бид Христүүдийн ахуй ойлголтууд болон Буддын сүсэгтнүүдийн ахуй ойлголтуудын хоорондох ижил талыг төдийлөн ойлгож чаддаггүй. Гэхдээ өөрийнхөө ахуй ойлголтуудаас миний ойлгосон зүйл бол (Эзэн Бурхан) Есүс Буддатай адил Хүчтэй байсан -Тэр хаана ч, ямар ч газар, ямар ч цагт үзэгдэж чаддаг байсан. Өөрөөр хэлбэл Тэр Буддын төлөвт хүрсэн байсан. “Христ” гэдэг нь Буддагийн еврей нэр; “Будда” бол Христийн Санскрит нэр. Гэгээрсэн Хүн гэсэн утгатай, Гэгээрсэн Гэгээнтэн, Амьд Их Багш – Үнэний Биелэл, Гэрэл ба Аврал гэсэн утгатай. Буддын буюу Христийн түвшинд нэгэнт хүрчихвэл, тан руу хир олон хүн ирнэ тэр олон хүнийг та аварч чадна. Танаас тусламж хүсэн ирэх хэн ч байсан та тэдэнд тусалж чадна. Таны эрдэнэс дуусашгүй. Гагц бэрхшээл нь тан руу олон хүн ирэхгүйд байдаг -дэлхий бүхэлдээ ирэхгүй. Учир нь ихэнх хүмүүс Будда ямар байх ёстой, бурхан ямар байх ёстой талаарх өөрсдийн мунхаг, буруу ойлголтоор бүрхэгдэж, төөрөлдсөн байдаг. Ийм Үнэний Амьд Биеллээс хол байлгах хэт их хий төөрөгдөл, хэт их номлол, хэт их хоосон сургаал байдаг. Хэрэв та Буддын шашинтан бол Буддизмд гацсан байдаг. Өөд болсныхоо дараа аврагдана гэж найдан модон Буддад залбирдаг. Хэрэв үнэхээр чин сэтгэлтэй бол эргэлзээгүй та хүртэнэ. Хэрэв та үнэхээр чин сэтгэлээр Амитабха Буддагийн нэрийг давтвал, зүрх сэтгэлийн тань туйлын цэвэр ариун байдал Түүний Сүнсийг хөдөлгөж, өөд болсны тань дараа – эсвэл тэр ч байтугай энэ насанд тань Тэр таныг гэтэлгэнэ – эргэлзээгүй. Гэхдээ энэ хүртэл өөрсдөө ариусаж чаддаг хүн маш ховор байдаг. Иймд, Будда, Христ эсвэл Гэгээнтнүүд тэдэнтэй (хүмүүстэй) шууд харилцаа тогтоон, Гэр лүүгээ явахад нь туслахын тулд ахин дахин энэ ертөнцөд төрөл авч, Өөрсдийгөө махбодын биед харуулдаг. Иймээс Христ ирсэн, Будда ирсэн, (Зөнч) Мухаммад (Тэрээр амгалан байг) ирсэн гэх мэт олон цаг үеүдийг бид хардаг -энэ бүгдийг бид Зөнч эсвэл Бурханы элч гэж нэрлэдэг - Тэд үнэхээр Бурханы Элч нар юм. Тэд Диваажинд Бурхантай холбоотой, Тэд энэ ертөнцөд мөн холбоотой. Том компанийн захирал бол та хаа сайгүй албан өрөөтэй байна, таны төлөөлөгчид хаа сайгүй байна. Мөн тэд танай компанид хүмүүс ирэх үед тэдний асуудалд санаа тавьж чадна. Жишээ нь хэрэв танд Австралид төлөөлөгчид байхгүй бол [Австралийн] хүмүүст таныг Германд эсвэл Америкт байдгийг, компани тань Америкт энэ тэрийг худалдаалдгийг мэдэхэд хүндрэлтэй. Их олон жижиг асуудлууд мөн дэлгэрэнгүй мэдээллийн улмаас, асуудлыг шийдвэрлэхийн тулд та шууд холбоо тогтоосон байх хэрэгтэй. Ийнхүү Бурханы Элч нар буюу Гэгээрсэн Гэгээнтнүүд гэж нэрлэгдэгсэд бол Бурханы Төлөөлөгчид юм. Тэдэнтэй холбоо тогтоосноор зөв цагт бид Бурхантай шууд шугамаар холбоо тогтоох болно. Иймд бид гэгээрэлд хүрэхэд, шинэ Диваажинг бүтээх болно. Хэрэв бид ямар нэг муу, нүгэлтэй зүйл хийвэл бид шинэ там бий болгоно. Там хэдийн оршиж таныг унаж ирэхийг хүлээдэг гэж бүү бодоорой. Одоо бид үүнийг бүтээдэг. Диваажин ба там бүгд бидний бүтээлүүд юм. Хинду домгоос би та нарт ярьж өгье. Маш чинээлэг нэгэн хүн байжээ, тэр нас эцэслэв. Нас эцэслээд, Диваажинд маш үзэсгэлэнтэй ордонд амьдрав. Тэр тэнд асуудалгүй амьдрав. Бүх зүйл үзэсгэлэнтэй, түүнд тэнд алтан ордон байв. Гэхдээ тэр тэнд олон өдөр амьдарсан; тэр өөрийнхөө эргэн тойронд хэнийг ч хараагүй. хэн ч байхгүй. Иймээс тэр хол, маш хол явж Сахиусан Тэнгэрээс “Миний ордонд юу болсон бэ?” хэмээн асуусаар байв. Надад үйлчлэгчид байхгүй. Эргэн тойронд минь хэн ч алга, садан төрөл байхгүй, хэн ч алга; намайг хайрлах хүн алга, яагаад вэ?” Сахиусан Тэнгэр түүнд хэлэв: “Учир нь Дэлхий дээр байхдаа та хэнийг ч хайрладаггүй байсан. Та зарц нартаа сайн ханддаггүй байсан, иймээс энд тэд тантай хамт байх боломжгүй.” За. Тэр хүн их золгүй байдалтай ордон руугаа буцахдаа энэ талаар тунгаан бодов. Тэр хэлэв: “За, хэрэв дараагийн удаа эргэн ирвэл би олон хүмүүс надад татагдан ирдэг хайр дүүрэн хүн болно, үгүй бол би одоо хэт ганцаардмал байна”. Ийнхүү тэр тунгаан бодов. Энэ талаар тунгаан бодох зуур тэр өлсөв. Агуулахаасаа тэр хоол хүнс үргэлжлүүлэн хайсаар байв. Тэнд юу ч байсангүй, огт юу ч, хатсан талх, чапаттины өөдөс ч байсангүй. Чапатти - бол энэтхэг талх юм. Ийнхүү тэр “би их өлсөж байна” хэмээн бодон суув. Дараа нь тэр ахин Сахиусан Тэнгэрт үргэлжлүүлэн залбирсаар байв. Тэр хэлэв, “Нааш ирээч гуйя. Би одоо тан руу очиж чадахгүй нь. Би маш их өлсөж байна; алхаж чадахгүй нь. Над руу ирээч гуйя. Хэдэн асуулт асуумаар байна”. Иймд Сахиусан Тэнгэр энэрэлт сэтгэлээр түүн рүү ирэв. Тэр хүн Сахиусан Тэнгэрээс асуув, “Юу тохиолдсон? Надад хоол алга, яагаад? Би Диваажинд элбэг их хоол байна гэж бодсон. Яагаад би энд ирээд өлсөнө вэ?” Иймд Сахиусан Тэнгэр түүнд хэлэв, “Энэ бүхнийг та өөрөө хийсэн. Дэлхий дээр байхдаа та хэнд ч юу ч өгч байгаагүй. Өлссөн хүмүүс тан руу ирсэн; та тэдэнд хоол ч мөн хорогдох байр ч өгөөгүй. Иймээс одоо та үүнийг хүртэж байна. Тэр бүхэн энд танд байхын тулд та тэдгээрийг бүтээх ёстой”. Өө! Ийнхүү тэр хүн ямар нэг байдлаар гэгээрэв. Тэр хэлэв: “Иймээс би үүнийг хүртэж байна, тийм ээ, үйлийн үрийн хууль байх”. Мөн уух юу ч байсангүй, иймээс адилхан гэдгийг тэр мэдэж байв – амьд байхдаа тариагүй зүйлээ үхлийнхээ дараа хурааж чадахгүй. “Юу тарина, түүнээ хураана”. Тэр одоо их золгүй байсан тул Бурханд залбирав. “Надад амьдрах хэсэг хугацаа өгөөч гуйя, ядаж л хоёр долоо хоног өгвөл би идэх, уух зүйлтэй байхын тулд илүү сайн орчноо бүрдүүлье” хэмээн хэлэв. Иймд түүний чин сэтгэлийн улмаас Бурхан түүнд амьдрах хоёр долоо хоног өгөв. Энэ хоёр долоо хоногийн хугацаанд тэр хоол болон уух зүйлс өгч олон хүнийг хайрлав. Иймд ордон руугаа буцаж ирэхэд түүнд үйлчлэх, түүнийг хайрлах олон хүн, мөн хоол, унд байв. Гэхдээ энэ бол жижигхэн түүх. Цаглашгүй Диваажинг буюу удаан үргэлжлэх Диваажинг бүтээхийн тулд, бидэнд илүү их няцашгүй тууштай байдал, ач буян хэрэгтэй. Одоо та нар надад, “За, би одоо ийм амьдралтай. Хэрхэн би өөртөө цаглашгүй Диваажинг бүтээж болох вэ” гэж хэлж болох юм. Тэгвэл та нар аль хэдийн цаглашгүй Диваажинг бүтээсэн хэн нэгэн рүү оч, тэгээд та Түүнтэй нэгдээд тэр Диваажинд хүрээд, мөн тэнд үлдэж болно. Гэхдээ мөн Буддизмын дагуу бидэнд амьдралын дараа амьдрал байдаг; бидэнд цор ганц амьдрал байдаггүй. Иймээс Амитабха Будда шиг ийм цаглашгүй Диваажинд амьдрах хангалттай ач буяныг магадгүй бид хураасан. Үүнийг Тэр Өөртөө бүтээсэн. Судар бичгүүдэд үүнийг хэлдэг, энэ бол үнэн юм. Иймээс Амьд Будда Дэлхий дээр байх үед, Түүнээс аврал олохын тулд хүмүүс Түүн рүү цувдаг, учир нь тэд өөрсдийн Диваажинг бүтээж чадна гэсэн хангалттай итгэлтэй байж чаддаггүй. Гэлээ ч гэсэн Будда буюу Гэгээрсэн Их Багш танд “Хараач! Та бол өөрийнхөө Диваажин. Үүнийг та энэ тэр хичээл сахилга бат, ийм, тийм ач буян, сүнслэг дадлагаар бий болгож чадна” гэж хэлдэг. Учир нь Бурханы Ивээл буюу Буддагийн Энэрэл цаглашгүй. Аврал олохоор Тэдэн рүү эргэвэл бид олж авна. Одоо, Бурхан буюу Будда Мөн чанар бол бидний дотор байгаа зүйл юм; Энэ бол гагцхүү хүмүүст олгогдсон цаглашгүй хүч юм. Бид энэ цаглашгүй хүчийг олж нээж хүссэн бүхнээ бүтээж чадна. Тамын тухай мартаарай. Тамыг бүтээхгүй бол бидэнд байхгүй. Энэ бол бид Их Багшийн заавруудын дагуу амьдрах ёстой, өөрсдөдөө шинэ там бүтээхгүй, харин Диваажинг бүтээх ёстой юм. Үгүй бол бүх там үргэлж хоосон мөн хүлээж байдаг, бас бүх Диваажин хоосон, биднийг хүлээж байдаг гэдэг – бол үнэн биш. Бид тэдгээрийг бүтээдэг. За. Одоо би зогслоо. Хэрэв та нарт асуулт байвал асуугаарай. Та нар бичиж эсвэл асууж болно. За сайн байна. (Би оройтож ирсэн тул үүнд Та хэдийнээ хариулсан эсэхийг би мэдэхгүй байна. Гэвч энэ асуултыг асуухыг минь зөвшөөрнө үү. Та Сант Мат буюу Сурат Шабд Йогийн талаар мэдэх үү?) Тийм, тийм, би мэднэ. (Таны сургаалтай харьцуулбал ямар вэ, Түүний таларх Таны сэтгэгдэл ямар байдаг вэ?) Магадгүй адилхан. Энэ нь зүгээр л миний лекцүүдэд -мэдлэг, тайлбар нь илүү том хүрээтэй, илүү дэлгэрэнгүй байдаг. (Тэгэхээр Та яг адилхан зүйлийг зааж байна гэж хэлж байгаа юм уу?) Би тэгж бодож байна, тийм. (За. Миний олж авч чадах Таны номнуудад үүнийг илүү их тайлбарласан байдаг уу?) Аан, үгүй үүнийг тэнд тайлбарлаагүй, Гэхдээ Арьяабалын бясалгалын Аргыг тайлбарлах боломжгүй учраас зөвхөн чимээгүйд дамжуулдаг. Миний тайлбарлах зүйл бол нэгэн төрлийн үндсэн зарчим юм. (Иймд, Таны бясалгалын арга дотоодын (Диваажингийн) Гэрэл, дотоодын (Диваажингийн) Аялгууг багтаадаг уу?) Зөв. (За. Баярлалаа.) Photo Caption: “Зөвхөн ухаант хүмүүсийг эрж хай, гэгээрэлд хүрэхийн тулд заавал хүнд замаар зовж явах хэрэггүй!”
