Энэ бол дайныг намжааж, тухайн бүс нутгийг адислахын тулд чадах бүхнээ хийснийх нь төлөөх Их Багшийн төлөөс байлаа!

Тайвань буюу Формосагаас Нин-Шү-гийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Гурвал Төгс Гэгээрсэн Их Багш Чин Хайн Ариун Өлмийд мөргөе. Би талбайд алхаж явтал дотоод Багш гэнэт надад Өөртэй нь хамт дайны бүс рүү явахыг зааварлав. Би тэр даруй талбайн захад зогсоод, биеэ хамгаалж байх зуураа оюун санаагаа дотогш төвлөрүүлж, сүнслэг ухамсраа хувааж Их Багшийг дагав... Бид сүйрч, балгас болсон өргөн уудам газрын дээгүүр хүрч ирэв. Энэ бол дайны дараах Сири байлаа. Их Багш асар том баруун алгаа дэлгэхэд түүнээс алтан тор мэт маш их энерги цацран, бүхэл бүтэн тэр газар нутгийг бүрхэв... Их Багшийн аварга том алганд татагдан олон тооны талийгаачийн сүнс дээш өргөгдөв. Тэд туйлын зовж шаналсан төрхтэй, өвдөг сөхрөн, хоёр гараа Тэнгэр өөд өргөж, толгойгоо өргөн тусламж гуйн, аврал эрж байв. Тэд дайны үймээн самуунд амиа алдаж, уй гашуу болон төөрөгдөлдөө хүлэгдэн одоо хүртэл энд гацсан гомдол, хорсол тээсэн зовлонт сүнснүүд байсан нь мэдэгдсэн. Их Багшийн алган дотор татагдан орсны дараа тэд алга болов. Их Багш энэрэнгүй харцаар доош харан дайны дараах маш их сүйдэж, сүйрсэн энэ газар нутгийг ширтэв.

Түүний мэлмийгээс асар том нулимсан дуслууд унахад, дайны талбарын газар дээр олон улаан цэцэг тэр даруй дэлгэрлээ. Тэдгээр нь цус асгарсан газраас урган гарсан “Гэтэлгэлийн цэцэгс” байв! Дараа нь Их Багш алтан алгаараа тэр газрын хэсгийг зөөлөн илж дайны ширүүн, догшин энергийг намжаасан, гэвч тэр бүрэн арилсангүй.

Дотроос хүлээн авсан мэдээ минь: ийм төрлийн энерги маш удаан хугацаанд хэвээр үлдэж, сарнин алга болж чадахгүй гэж байлаа. Одоогоор энэ бол Их Багшийн хийж чадах хамгийн дээд хэмжээ юм. Дараа нь |Их Багш хоёр алган дээрээ янз бүрийн хэмжээтэй олон пуужин, сум барин, нүдний минь өмнө авчирав. Би юу болж байгааг ойлгож ухаарч чадахгүй, балмагдан зогсож байх үед, пуужингууд гэнэт Их Багшийн алган дээр дэлбэрч, тэднийг аймшигтай, цус нөж болсон замбараагүй зүйл болгон дэлбэлж, Түүний Ариун Цус нь дусалж эхлэв! Энэ бол дайныг намжааж, тухайн бүс нутгийг адислахын тулд чадах бүхнээ хийснийх нь төлөөх Их Багшийн төлөөс байлаа! Тэнгэрт олон тэнгэр элч гарч ирэн, цагаан цэцэгсийг доош цацаж байлаа. Тэд Их Багшийн энэрэнгүй золиослолд сэтгэл хөдөлж, хүн төрөлхтний мунхгаас үүдсэн дайны гай гамшгийг гашуудан уйлж байлаа. Дотоод Багш надад хэлэхдээ, “Үүнийг хүн бүрд дамжуулаарай — ийм төрлийн догшин энергийг зөвхөн “Хайр” л намжааж чадна. Эс бөгөөс энэ газар нутаг тэнүүчилсэн сүнснүүд, зорилгогүй хэрэн хэсэх хий үзэгдлүүдээр дүүрч, балгас болон хувирч, маш урт удаан хугацаанд сэргээн засварлах боломжгүй буюу хувь заяаг нь ч өөрчлөх боломжгүй болно” хэмээв. Үүнийг Их Багшдаа хүндэтгэлтэйгээр айлтгаж, Их Багшийн бүх хүсэл биелэх болтугай хэмээн ерөөе! Тайвань буюу (Формоса)-гаас шавь Нин-Шү хүндэтгэн тэмдэглэв

Амар амгаланг эрхэмлэгч Нин-Шү, сэтгэл хөдөлгөм сэтгэлийн үгэнд тань баярлалаа. Их Багш хайраар ийн хариуллаа: “Хайр дүүрэн Нин-Шү, Арьяабалын үнэнч бсалгагч аа, хангалттай их сүйтгэгч энерги хуримтлагдахад дайн дэгддэг. Таны харсанчлан, тулалдаанд амь үрэгдэгсдийн сүнс төөрөлдөн, зовж шаналан тэнүүчилж, улам их хортой энерги үүсгэдэг бөгөөд энэ нь Дэлхийд асар гүн шарх үлдээдэг. Их Багшийн Хүчний эдгээгч энерги үүнийг цэвэрлэхэд туслахгүй бол энэхүү хор хөнөөлтэй энерги маш удаан хугацаанд үргэлжлүүлэн сөрөг уур амьсгал үүсгэж, ойр орчимд нь амьдардаг хүмүүст муугаар нөлөөлсөөр байх болно. Энэ бүхний гол хөдөлгөгч хүч нь хүн төрөлхтний амьтан-хүмүүсийн мах иддэг зуршил юм. Өдөр тутмын энэ аллага хядлагын үйлдлээс үүссэн бүх аллагын үйлийн үр хуримтлагдаж, гай гамшиг, бүр дайныг ч үүсгэдэг. Хайрыг ухаарч сэрэн, веган хооллолтод шилжихгүй бол энэхүү сөрөг мөчлөгийг үнэхээр бүрэн шийдвэрлэж чадахгүй. Та болон Тайвань (Формоса)-ийн энх тайвныг эрхэмлэгч ард түмэн Тэнгэрийн Мэргэн Ухаанаар амьдарч, мөн аз жаргал дүүрэн амьдралыг таашаах болтугай. Та бүхэнд хязгааргүй их Хайрыг үргэлж, үүрд илгээе.”