Энэ оршихуйн түвшинд ажиллахдаа, илүү дээд түвшнээс бид хорвоогийн зүйлсийг сонирхож болох ч тэдгээрт үл баригдан, хүмүүсийг веган болоход нь амжилттай уриалж, амьтан зэрэгцэн оршигчдодоо өөрсөдтэйгөө адил хандаж чадна.

Шинэ Зеландаас Мэйзи-гийн ирүүлсэн сэтгэлийн үгийг одоо хүргэе:

Хамгаас Эрхэм Хайрт Төгс Гэгээрсэн Их Багш, Эргэн Нэгдсэн Цаглашгүй Хүчирхэг Гурвал аа, чин сэтгэлийн талархал, хайраар зүрхэнд минь чимээгүйхэн хадгалагдсан нэгэн зүйлийг хуваалцахыг хүсэж байна. Би өөрийгөө үнэхээр азтай, ерөөлтэй гэж мэдэрч, юунд ч шунахгүйгээр өдөр бүр улам жаргалтай болж, Арьяабалын бясалгалын Адислалд талархаж байна. Хамгаас Эрхэм Их Багш Тандаа баярлалаа. Би хорвоогийн зүйлд хэт татагдсан хэвээр ч, Таны Хайрын ачаар ерөөлт өөрчлөлтүүд гарч буйг хараад талархдаг. Мөн манай бүлгээс гадна амьтан-хүмүүсийн хувь заяаг өөрчлөхөөр ажиллаж буй бүх Гэгээнтэн, Диваажингийн төрөлтөн, чин сэтгэлт хүмүүст талархаж байна. Тэдний ажил үр дүнгээ өгч, Шинэ Зеландад грейхаунд-хүмүүсийн уралдааныг хориглосон, АНУ-ын Ridglan Farms-ийн лабораториос бигль-хүмүүсийг сулласан зэрэг нь гайхамшигтай.

Хамгаас Эрхэм Хайрт Их Багш аа, Шинэ Зеланд дахь амьтан-хүмүүсийн эрхийн төлөө тэмцэгч найзынхаа бичсэн чин сэтгэлийн залбирлыг (тэдний зөвшөөрлөөр) хуваалцъя. Амьтан-хүмүүс болон дэлхийгээ дэвшүүлэхийн төлөө ажиллахдаа Эзэн Есүсийг мөн хайрладаг хүмүүстэй холбогдоход энэ залбирал бусдад тустай байж мэднэ.

“БУРХАНЫ-ы амьтдын төлөө Есүст өргөх залбирал

Эзэн Есүс минь, Таны амьтдыг Таны бүтээлийн хайртай гишүүд, үс ноос, өд сөд, сэрвээ, хайрс нөмөрсөн ахан дүүс маань хэмээн танихад бидний зүрхийг нээгээч.

Тэд бидний адил Таны мутраар бүтээгдэж, амь амьсгалаар дүүргэгдсэн билээ. Тэднийг бидний адил Та таньж, хайрлаж, БУРХАН-аас заяасан өөрсдийнх нь зорилгын төлөө бүтээсэн билээ. Тэд бидний адил жаргал, өвдөлт, ая тух, зовлон, амар амгалан, айдас дунд өөрсдийн амьдралыг туулдаг.

Тэдэнд утгагүйгээр өвдөлт, зовлон, айдсын шалтгаан тарихгүй байхыг бидэнд заагаач. Сайн дураар өгсөн зүйл, хүчирхийлэн булаасан зүйлийн ялгааг хэрхэн танихыг бидэнд зааж хайрла.

Хүслээс илүү өршөөлийг, ая тухаас илүү энэрлийг, хүчирхийллээс илүү энх тайвныг сонгох билиг ухаан, хүч чадлыг бидэнд хайрлаач.

Мэдлэггүй байдал, бардамнал, ховдоглол, зуршил, хатуу сэтгэлээсээ болж учруулсан хор хөнөөлийг маань өршөөгөөч.

Ичгүүргүйгээр гэмшиж, айдасгүйгээр өөрчлөгдөхөд биднийг хөтөлж болгоо.

Бидний зоогийн ширээг нинжин сэтгэлийн орон, сонголтыг маань өршөөлийн үйл, амьдралыг маань Таны амгалан Хаанчлалын гэрч болгооч.

Таны ариун ууланд хэн ч гэм хор учруулж, сүйтгэхгүй болох тэр өдрийг үзэн, Эх дэлхий дээр Диваажингийн иргэд мэт амьдрахыг бидэнд зааж хайрла.

Амь бүр Танд нандин учраас амьтан бүрийн амьдрал өөрт нь нандин гэдгийг санахад бидэнд туслаач.

Эзэн минь, зуршлаа өөрчлөхүйц чинхүү энэрэлтэй болгож өгөөч. Амен.” Мэйзи, Шинэ Зеландаас

Талархалт Мэйзи, найзынхаа чин сэтгэлийн шүлгийг хуваалцсанд баярлалаа. Хайрт Их Багш маань танд ийн халамжлан хариуллаа:

“Буянт Мэйзи, найзад тань талархсаныг минь уламжлаарай. Шүлэг нь үнэхээр сайхан болжээ. Арьяабалын бясалгалаа тууштай, чин үнэнчээр дадуулж буйг тань сайшааж байна. Учир нь энэ нь таныг хамгаалж, замчлан, зүрх сэтгэлийг тань бүрэн нээж, асар их хайраар дүүргэнэ. Энэ оршихуйн түвшинд ажиллахдаа, илүү дээд түвшнээс бид хорвоогийн зүйлсийг сонирхож болох ч тэдгээрт үл баригдан, хүмүүсийг веган болоход нь амжилттай уриалж, амьтан зэрэгцэн оршигчдодоо өөрсөдтэйгөө адил хандаж чадна. Амьтан-ард бидний төлөө амиа ч өгөхөд бэлэн! Бурханлаг өлзий хутаг таныг, яруу найрагч найзыг тань болон дэвшилтэт Шинэ Зеландыг үргэлж ивээх болтугай. Танд болон амьтан-хүмүүсийг хамгаалан энэрэнгүй их үйлс бүтээж буй бүх хүнд чин сэтгэлээсээ хайртай.”