Бидний чөлөөлөгдөх цаг ирж, бид үүнийг чин сэтгэлээсээ хүсэх үед БУРХАН биднийг олж, энэхүү хуурмаг ертөнцөөс гарган чөлөөлөх гэгээрсэн Багшийг илгээх болно.

Ау Лак буюу (Вьетнам)-аас Данг Хоа-гийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Бүхэл бүтэн Орчлон ертөнцийн хамгийн Эрхэм бөгөөд Хамгаас Энэрэнгүй Их Багш Тим Ко Тү! Одоо би суугаад өнгөрсөн бүх зүйлээ эргэцүүлэн бодох зуур гэнэт бид Буддаг биш, харин Будда биднийг хайж байдгыг маш тодорхой ухаарч байна. Энэ нь яг л Таны нэгэн цагт сайхан бичиж, уншсан шүлэгт гардаг шиг юм: “Би таныг эрж хайн энэ дэлхийд бууж ирсэн [...]”

Суприм Мастер Телевизийн дэлхийн үзэгчидтэй би өөрийн түүхээ хуваалцахыг зөвшөөрнө үү: Би үргэлж сүнслэг хүн байсаар ирсэн бөгөөд Үнэнг олохыг чин сэтгэлээсээ эрмэлздэг байв. Би өмнө нь хэд хэдэн багшийг дагадаг байсан. Гэвч хэчнээн удаан бясалгасан ч ямар нэгэн сүнслэг туршлага аваагүй — учир нь би амьтан-хүний мах идсээр л байсан. Аз тохиож, YouTube-ийг үзэж суухдаа Таны лекцүүдтэй санамсаргүй таарсан. Үүний зэрэгцээ TT (Тран Там)-ийн лекцүүд ч бас гарч ирсэн бөгөөд хоёулангийнх нь агуулга бараг адилхан байв. Миний толгойд нэг том асуулт төрлөө: би хэнийг дагах ёстой вэ? Аз болоход, Та яг хэрэгтэй мөчид над дээр ирсэн. 2019 онд би Таныг миний билгийн мэлмий рүү шууд зааж байгаагаар зүүдэлсэн. Би сэрснийхээ дараа, амьтан-хүний мах идэж чадахаа больсон! Түүнчлэн Та ямар энгийн, даруу төлөв, баяр баясгалантайг би бас анзаарсан. Тиймээс би Тан руу очих замаа олохоор шийдсэн! Дэлхий даяарх сая сая шавь нарынхаа хамт намайг Үнэн ба Хайрын Замд хөтөлсөнд Тань би гүнээ талархаж байна!

Эрдэнэ шиш, амтат төмс, кассава, хүнсний ногоо, газрын самар, дүүфүтэй өргөн уудам тал нутагт веган хүн ганцаараа амьдрах... Зураг төсөл, барилгын ажлаа хийхэд надад хангалттайгаас ч илүү эрч хүч байсаар байна. Хамгийн чухал нь, веган амьдралын хэв маягийг ойлгож, хэрэгжүүлж эхэлснээс хойш миний амьдрал үнэхээр баяр баясгалантай болсон. Энэ нь жинхэнэ аз жаргалыг авчирдаг – бусад төрөлтөнд өргүйгээр амьдрахын аз жаргал! 2021 оны 4-р сарын 8-нд би Таниас авшиг хүртсэн. Олон жилийн турш би олон авшигтантай уулзаж, тэдэнтэй бодлоо хуваалцан, Таны тухай тоо томшгүй олон түүх сонссон. Одоо миний цорын ганц хүсэл бол ганцхан удаа ч болов Тантай уулзах! Та үргэлж аюулгүй, амар амгалан байх болтугай! Би Танд үүрд талархаж, Таныг хязгааргүй хайрлах болно! Шавь Данг Хоа Ау Лак (Вьетнам)-аас

Баяр хөөртэй Данг Хоа, Их Багштай хамт сүнслэгээр бясалгаж байгаа түүх, урам зориг, идэвх зүтгэлээ хуваалцсанд баярлалаа. Энэ нь бусдыг Түүн рүү хүрэх замаа олоход нь урам зориг өгөх болтугай. Их Багш хайраар дүүрэн хариулт өгч байна:

“Чин сэтгэлтэй Данг Хоа, Таныг чөтгөрүүдийн савраас хамгаалсан БУРХАНД талархаж, мөн билиг ухаан тань таныг Тран Там-аас холдуулсанд баяртай байна. Учир нь тэр зөвхөн миний сургаалыг ч бус, надаас хуулж, хулгайлж болох боломжтой бүх зүйлийг авч мөн тэдгээр бүгдийг ичгүүр сонжуургүй ашиглан, хохирогчдоо энэ харгис этгээдийн хүний мах идэгч там руу уруу татаж байна!!! Би үүнийг шууд утгаар нь хэлж байна. Та зугтан гарснаар ойр дотнынхоо олон хүн төдийгүй, бусад олон хүнийг Tран Там-ын урхинд орж зовохоос аварч, тэдэнд сайн үр нөлөө үзүүлэх болно!!!! Тэр хуулиас зугтахдаа маш зальтай ч удахгүй баригдаж, шоронд бүрмөсөн хоригдоно. Ингэснээр хэнийг ч дур зоргоороо дахин залилж, дээрэмдэж чадахгүй!!! Эдгээр сүнсийг аварч, улмаар эдгээр гэмгүй хохирогчдыг аврахаар тамд хүч чадал, цагаа үрэхээс намайг чөлөөлсөн танд чин сэтгэлээсээ талархаж байна.

Манай Арьяабалын гэр бүлд тань шиг хичээнгүй БУРХАН-ы шавь байгаа нь гайхалтай. Будда биднийг эрж, хайдаг гэж таны хэлж байгаа нь зөв. Бидний чөлөөлөгдөх цаг ирж, бид үүнийг чин сэтгэлээсээ хүсэх үед БУРХАН биднийг олж, энэхүү хуурмаг ертөнцөөс гарган чөлөөлөх гэгээрсэн Багшийг илгээх болно. Энд маш их зовлон шаналал, төөрөгдөл байдаг учраас бид өөрсдөө замаа олж чаддаггүй. Бидэнд зориулагдсан гэгээрсэн Багш биднийг олж авах бөгөөд бид гэгээрэлд хүрэх хүртлээ үргэлж Тэдний халамжинд байх болно. Энэ бол энэ дэлхий дээрх бидний хувьд байж болох хамгийн ариун бөгөөд чухал харилцаа юм. Тийм ч учраас жинхэнэ гэгээрсэн Багштай хүмүүс маш их талархаж, үнэнч байдаг. Тэдний сүнс ч бас, таны адил энэ нь ямар их адислал болохыг мэддэг. Хайр минь, үргэлжлүүлэн сайн бясалгаж, Арьяабалын бясалгалаар бясалгах мөч бүртээ бүх зүрх сэтгэлээ зориулаарай, тэгвэл танд одоо ч, цаашид ч үүрд бүх зүйл сайхан байх болно. Та болон Ау Лак (Вьетнам)-ын сайхан сэтгэлтэй хүмүүс зүрх сэтгэлдээ БУРХАН-ы хязгааргүй Хайрыг үргэлж мэдрэх болтугай. Миний Хайр таныг Тэнгэрийн Орон руу нисгэн хүргэх далавч тань байг ээ.”