Суприм Мастер ТВ Макс картын асар их Тэнгэрлэг Хүчийг мэдэрсэн туршлагаасаа хуваалцахыг хүсэж байна.

Японоос Юүки-гийн япон хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Цаглашгүй Хүчирхэг Нэгдсэн Гурвалд гүн талархлаа өргөн барья. Суприм Мастер ТВ Макс картын асар их Тэнгэрлэг Хүчийг мэдэрсэн туршлагаасаа хуваалцахыг хүсэж байна. Япон даяар хойд нутгаас өмнөд хязгаар хүртэл амьтан-хүмүүсийг чөлөөлөхөд өөрсдийгөө зориулсан веган идэвхтэн найзууд надад бий. Тэдэнтэй танилцсанаасаа хойш Төгс төгөлдөр Их Багшийн Адислал, Хайрыг хуваалцах боломж эрэлхийлсэн ч харамсалтай нь амаргүй байлаа.

Нэг өдөр идэвхтнүүдийн нэг нь над руу утасдав. Тэр “Гайхамшиг тохиолдлоо!” гэв. Түүний шуудангийн хайрцгаас Суприм Мастер ТВ Макс-ын карт олдсон гэж тайлбарлав. Түүний гэр хөдөө орон нутгийн уулархаг нутагт байдаг бөгөөд авшигтан цөөнтэй Японд уг карт тэнд байсан нь үнэхээр гайхамшиг байв. Хэдийгээр би маш их гайхсан ч, Суприм Мастер Телевиз, Максаас ирэх Тэнгэрлэг Адислал болон Их Багшийн сургаалыг ямар ч эргэлзээгүйгээр тайлбарлаж чадсан. Олон жилийн турш хүндрэлтэй байсан зүйл Суприм Мастер ТВ Макс гэсэн ганцхан картын ачаар жигдэрч, ажил хэрэг саадгүй урагшлан, Их Багшийн Хайр нөлөө бүхий идэвхтнүүдэд хүрсэн. Дараа нь миний илгээсэн “Хайр Цорын Ганц Шийдэл нь” номыг тэр баяртайгаар хүлээн авсан. Тэр Их Багшийн оршихуй, сургаалыг чин сэтгэлээсээ хүлээн зөвшөөрч, амьтан-хүмүүсийг чөлөөлөн, веган дэлхийг цогцлоохын төлөө цуцалтгүй ажиллана гэв!

Би энэ түүхийг өөр нэг нөлөө бүхий идэвхтэн найздаа ярьсан. Тэр ч бас Их Багшийн номыг өгөхөд хэцүү байсан хүмүүсийн нэг байв. Гэвч энэ явдал эцэст нь түүнд Их Багшийн номыг бэлэглэх боломжийг олгосон түлхэц болсон юм! Тэр ч мөн номоос асар их Хайрыг мэдэрч, сэтгэл нь гүнээ хөдөлсөн. Яг л мөс гэсэх шиг болсон. Түүний дотор БУРХАНД итгэх гүн итгэл дэлгэрч, Майдар Бурхан болох Их Багшийн Тэнгэрлэг Хүчийг улам бүр хүлээн зөвшөөрсөн. Тэр бүр “Хайр Цорын Ганц Шийдэл нь” номыг найзууддаа зээлдүүлж, веганизмыг түгээх үйл ажиллагаандаа ашиглаж байна!

Гайхамшиг үргэлжилсээр байна! Нэг идэвхтнээс нөгөө идэвхтэнд! Их Багшийн номыг нөлөө бүхий веган идэвхтнүүдэд хүргэх боломжууд үргэлжилсээр байна! Энэ бүхэн ямар их гайхамшиг болохыг би ойлгож байна.

Хөдөөгийн хотуудад Суприм Мастер ТВ Макс карт тараасан авшигтнууд болон Суприм Мастер Телевизийг бүтээдэг бүх гэгээнтэнд талархъя. Олон авшигтны залгамжилсан хичээл зүтгэлээр дамжуулан Их Багшийн Хайр, Хамгаалал болон бүхий л Адислал манай нийгэмлэгээс гадуурх хэд хэдэн сайхан сэтгэлт веган идэвхтэнд хүрсэн. Цаглашгүй Дээд Их Багшийн Хамгаалал, Ивээл дор веган идэвхтнүүд болон авшигтан бид веган дэлхийн төлөө гар гараасаа хөтлөлцөн хамтран ажилласаар байх болно. Юүки, Японоос

Тусч Юүки, Өөрчлөлтийн энэхүү гайхамшигт түүхийг хуваалцсанд баярлалаа. Их Багшийн бүтээсэн бүхэн асар их Адислал, гэгээрүүлэгч Хүчээр дүүрэн байдаг. Суприм Мастер ТВ Макс гэсэн ганцхан жижиг карт олон веган идэвхтнийг адисалж, ажил үйлсээ үргэлжлүүлэх асар их хүч өгсөн эерэг үйл явдлын хэлхээг бий болгожээ. Таны түүх бид бүхнийг хүн бүрд Их Багшийн сургаалыг уншихыг уриалж, Суприм Мастер ТВ Макс болон Хамгийн Хүчирхэг Өдөр Тутмын Залбирал зэрэг гарагийг өргөхийн тулд Их Багшийн бүтээж, хуваалцсан бүх хэрэгслийг ашиглахад зоригжуулах болтугай. Энэ нь Веган Дэлхий хурдан цогцлоход тусалж чадна! Та болон урам зоригт Япон орон Тэнгэрийн хязгааргүй Гэрлийн туяанд умбах болтугай. Суприм Мастер ТВ-ийн хамт олон