Манай гарагийн төлөө Орчлон ертөнцийн өнцөг булан бүрээс хэчнээн их дэмжлэг ирж байгаа нь үнэхээр урам зориг төрүүлж байна.

Тайвань буюу Формоса-гаас Юэ-Хан-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Сайн байна уу, Эрхэм Их Багш аа. Долдугаар сарын 4-ний өглөө Залуу Насны Хаантай ярилцсан Таны яриаг үзсэний дараа гэнэт миний нойр маш их хүрсэн. Хэсэг хугацаанд ажлаа үргэлжлүүлэн хийх гэж хичээсний дараа, эцэст нь түр дуг хийхээр шийдэв. Унтахаасаа өмнө Их Багш Залуу Насны Хаан энд байсаар байгаа гэж хэлж байсныг бодож байлаа. Тэгээд Түүнтэй уулзах боломж надад олдох болов уу хэмээн эргэцүүллээ. Удалгүй би аажмаар нойронд автан, унтчихав. Тэгтэл би Залуу Насны Хаантай үнэхээр уулзсан мэт санагдлаа! Тэр цацран гэрэлтсэн Гэрлээр дүүрэн орон зайд завилан сууж байв. Түүнийг хармагцаа Тэр Дэлхийн оршин суугчдад ирээдүйн төлөөх хязгааргүй итгэл найдварыг тасралтгүй илгээж байгааг нь би мэдэрсэн. Энэ үнэхээр сэтгэл хөдөлгөм дүр зураг байсан бөгөөд амьд үлдэхийн төлөөх тэмцлийн дунд нэгэнт мартагдсан байсан ирээдүйгээ гэх хүсэл, тэмүүллийн сэтгэлийг нь, мөн түүнчлэн энэ дэлхийн сайн сайхан зүйлс, тухайлбал амьтан найз нөхдийн маань бидэнд өгдөг нөхцөл болзолгүй хайрын, сэтгэлд хүчтэй хүрэх холбоог хүмүүст дахин сэрээсэн. Энэ нь хүн төрөлхтний хүсэл зоригийг нэгтгэж, эцэст нь энэ дэлхийг гайхамшигтай, тэнгэрлэг веган ирээдүй рүү илүү хурдан ойртоход тусална гэж би мэдэрсэн.

Би Залуу Насны Хаанд талархлаа илэрхийлэхгүй байж чадсангүй. Түүний хийж буй зүйл, бидний Их Багшийн бидний төлөө хийдэг үйлсийн нэгэн адил хэчнээн агуу, аминч бус болохыг би мэдэж байсан. Бидний төлөө үргэлж хичээн зүтгэж, бүхнээ зориулдаг Танд баярлалаа, Их Багш аа. Энэхүү дотоод ахуй ойлголт веган дэлхий гарцаагүй ирнэ гэсэн итгэлийг минь улам бататгасан. Яг одоо эрч хүч хуримтлагдаж байна. Шийдвэрлэх цэгт хүрмэгц бүх зүйл аяндаа зөв байрандаа орно. Тэр өдөр ирэхэд бид Их Багштай хамт баярын үдэшлэг хийж, тэмдэглэж чадна гэж найдаж байна! Магадгүй харь гарагийнхан ч бас оролцох болов уу? Их Багш үргэлж аз жаргалтай, санаа зовох зүйлгүй байх болтугай. Тайвань буюу (Формоса)-гаас Юэ-Хан

Баяр баясгалантай Юэ-Хан аа, урам хайрласан сэтгэлийн үгэнд тань баярлалаа. Их Багш өгөөмөр сэтгэлээр хариуллаа:

“Сайхан сэтгэлт Юэ-Хан аа, дотоодын ахуй ойлголтоо хуваалцсанд тань баярлалаа. Манай гарагийн төлөө Орчлон ертөнцийн өнцөг булан бүрээс хэчнээн их дэмжлэг ирж байгаа нь үнэхээр урам зориг төрүүлж байна. Хуримтлагдан нэмэгдэж буй хайр, энэрэл асар их болсон тул хүмүүсийн төсөөлж чадахаас ч давсан – үнэхээр асар их Нигүүлслийг – одоо бид хүртэх боломжтой байна. Үүнийг хүртэхийн тулд веган болж, гэм нүглээ наманчилж, Төгс Хүчит БУРХАН-ы Хайранд сүнслэг амьдралыг хүлээн авахад л хангалттай. Энэ бол бидний амьдарч болох хамгийн сайхан амьдрал бөгөөд Дэлхий дээр диваажинг цогцлооно. Веган Дэлхийг удахгүй бий болгоход туслахын тулд хүн бүр одоо нэн даруй эдгээр алхмыг хэрэгжүүлж, Цаглашгүй Хүчирхэг Нэгдсэн Гурвалын Энэрэл таныг болон ариун, нандин Тайвань (Формоса)-г Гэрлийн бамбай мэт бүрхэх болтугай. Миний Хайр таныг хаана ч байсан одоо ч, үүрд мөнхөд ч үргэлж хамт байна!”