ӨДӨР ТУТМЫН МЭДЭЭ-ний гол тойм – 2025 оны 7-р сарын 18

АНУ-ын Ерөнхийлөгч Трамп Украинд Патриот пуужин илгээх бөгөөд Орост 50 хоногийн хугацаатай гал зогсоохыг зөвшөөрөхгүй бол Оросын худалдааны түншүүдэд 100 хувийн “хоёрдогч гаалийн татвар” ногдуулна гэсэн шаардлага тавив. (Аль-Жазира)

Их Британийн Хаан Чарльз АНУ-ын Ерөнхийлөгч Трампыг энэ есдүгээр сард түүхэн хоёр дахь төрийн айлчлалд урин, хааны ёслол хүндэтгэл, цайллага зохион байгуулахыг баталлаа.

Ерөнхийлөгч Трамп хоёр удаа төрийн айлчлалд уригдсан өнөө үеийн анхны улс төрийн удирдагч болж байна. АНУ-ын өмнөх ерөнхийлөгч нар хоёр дахь бүрэн эрхийн хугацаандаа ихэвчлэн цай, эсвэл оройн зоогт уригдаж байв. Ерөнхийлөгч Трамп 2025 оны дөрөвдүгээр сард анхны урилгын хариуд “Энэ бол нэр төрийн хэрэг юм... Би Чарльзын найз, Чарльз Хаан болон түүний гэр бүлийг, Уильямыг маш их хүндэлдэг. Бид энэ гэр бүлийг үнэхээр их хүндэлдэг.” гэжээ. (Скай Ньюс Австрали)

АНУ-ын Ерөнхийлөгч Трамп [АНУ-ын] Нью-Йорк хотод болсон ФИФА [Олон Улсын Хөл бөмбөгийн Холбоо]-ны Клубуудын Дэлхийн аварга шалгаруулах тэмцээнд хүрэлцэн очлоо. Энэ нь Түүний эсрэг аллага үйлдэх гэсэн оролдлогын нэг жилийн ойтой давхцаж байна. [Их Британийн] Челси [Францын] Парис Сен-Жермен багтай аваргын төлөө тоглон, хожсоны дараа Ерөнхийлөгч цом гардуулах ёслолд оролцон, тоглогчид болон шүүгчдэд шагнал гардуулав. Ерөнхийлөгч Трампын айлчлал Канад, Мексик, АНУ-ын хамтран зохион байгуулах 2026 оны хөл бөмбөгийн дэлхийн аварга шалгаруулах тэмцээнийг мөн онцлон харууллаа. (Фокс Ньюс)

2024 оны 7-р сарын 13-нд Пенсильвани мужийн Батлер хотод өөрийнх нь эсрэг аллага үйлдэх гэсэн оролдлогын ойд Ерөнхийлөгч Трамп “Америкийн сүнс сүлд” “хорон муу хүчнүүд”-ийг ялсан гэж мэдэгдэв. Тэрхүү өдөр Хайрт Бүгд Найрамдах Улсаа сэргээг, Үндэстнээ сүйрүүлж буй хүмүүсээс авраг” хэмээн Бурхан л Түүнийг аварсан гэдэгт итгэлтэй буйгаа хэлэв. Ерөнхийлөгч Трамп уг арга хэмжээний үеэр гэр бүлээ хамгаалж байгаад амиа алдсан жагсаалын оролцогч Кори Комператорегийн нэрийг онцлон, “Гал сөнөөгч, ахмад дайчин, үнэнч нөхөр, аав Кори Комператоре эмгэнэлтэйгээр амиа алдсаныг дэлхий хэзээ ч мартахгүй.” гэж хэлсэн байна. Ерөнхийлөгч Трамп “Буун дуу гарахад Кори эхнэр, хоёр охиноо хамгаалахаар огт эргэлзэлгүй зүтгэсэн билээ. Тэрээр баатрын ёсоор амь үрэгдсэн юм. Бид түүний урам зориг хайрласан хайр, эр зориг, үнэнч байдалд үүрд талархаж байна.” гэв. (Фокс Ньюс)

Их Британи: Лондоны Саутенд нисэх онгоцны буудалд эмнэлгийн жижиг онгоц осолдож, онгоцонд байсан бүх зорчигч буюу дөрвөн хүн амиа алджээ. Албаныхан ослын шалтгааныг судалж байна. (ABC Австрали)

Канадын судалгаагаар шувууны томууны H5N1 вирус 2021-2024 оны хооронд хурдацтай хувьсан өөрчлөгдөж, шувуу-хүмүүсийн нүүдлийн гол бүсүүдэд дэгдэлт гарах магадлал өндөр байгааг тогтоожээ. (МедикалЭкспресс)

Тайланд улсад хурдан тархаж буй КОВИД-19-ийн XFG хувилбарын 23 тохиолдол батлагдлаа. Энэ хувилбарын нэмэлт мутациуд үүний халдвар дамжих чадварыг нэмэгдүүлж, дархлааг бууруулдаг. (Тайланд үндэстэн)

[АНУ-ын] Аризона мужид бараг 20 жилийн дараа анх удаа уушгины тахлаар нас барсан тохиолдол батлагдлаа. XIV зууны хар үхлийн үеэр олон сая европчуудын аминд хүрсэн энэ өвчин АНУ-ын баруун бүсийн хөдөө нутагт тохиолдсоор байна. (Фокс Ньюс)

Денге халуун хумхаа [Вьетнамын] Хо Ши Минд хурдацтай тархаж, 6 хүн нас барж, 4 долоо хоногийн өмнөхтэй харьцуулахад өвчлөл бараг 40%-иар нэмэгджээ. Борооны улирал эхэлж буй тул эрүүл мэндийн яаралтай сэрэмжлүүлэг хүргэж байна. (Тиень Фон)

[Вьетнамын] Ханойд денге халуун хумхааны халдварын тохиолдол нэмэгдэж, шинээр дөрвөн дэгдэлт бүртгэгдлээ. Халдвар тараагч шумуулын түвшин өндөр байгаа бөгөөд дулаан, чийглэг улиралд тархалт улам эрчимжих вий гэсэн болгоомжлол нэмэгдэж байна. (Даи Фат тань – Трүиэнь хинь Ха Ной)

АНУ-ын мэргэжилтнүүд эрүүл мэндэд сайн нөлөө үзүүлэх 36-41°C хэмийн халуун усанд орохыг зөвлөж байна. Хүйтэн ус нь дасгалын дараа булчинд болон наранд түлэгдэхэд тустай бол [41°C-ээс дээш] халуун ус арьсыг цочроох эрсдэлтэй. (Тань Ниень)

АНУ-ын судалгаагаар бага насанд өртсөн хар тугалганы өчүүхэн хэмжээний хордлого хүртэл хүүхдийн ой санамж муудахад нөлөөлдөг болохыг тогтоов. Энэ нь тархины эрүүл мэндэд удаан хугацааны асуудал үүсгэдэг ажээ. (МедикалЭкспресс)

АНУ-ын Мичиган муж Флинт хотын 11,000 орчим хар тугалгатай хоолойг сольж дуусгав. Энэ нь идэвхтнүүдийн цэвэр усаар хангуулахын төлөө арван жилийн турш хийсэн тэмцлийн үр дүн байлаа. (Сайн мэдээний сүлжээ)

[АНУ-ын] Йелийн Их Сургуулийн судалгаагаар нялх хүүхдэд дуулж өгөх нь тэдний сэтгэл санаа, ерөнхий сайн сайхан байдлыг эрс сайжруулдаг болохыг батлав. (Earth.com)

[АНУ-ын] Иллинойсын Их Сургуулийн судалгаагаар хоёр наснаасаа өмнө мод, элсний хайрцагтай байж, гадаа тоглоом тоглож өссөн хүүхдүүд дөрвөн насандаа анхаарлаа төвлөрүүлэх чадвар илүү сайн байдаг бол хөдөө, эсвэл гадаа тагттай байшинд өссөн хүүхдүүд дөрвөн насандаа сэтгэл хөдлөлөө илүү сайн удирдах чадвартай байдгийг тогтоожээ. Эцэг эхчүүдэд хүүхдийнхээ хөгжилд тус дөхөм үзүүлэхийн тулд мод, элстэй хувин байлган, эсвэл үүдний тавцан дээр сандал тавиад гадаа тоглуулахыг зөвлөж байна. (Earth.com)

Асар том шинэ нарны толбо дэлбэрэлтийн шинжтэй соронзон “тэсрэлтүүд”-ийг гаргаж эхэлсэн бөгөөд энэ долоо хоногт Дэлхий рүү чиглэн эргэх үедээ радио холбоонд доголдол үүсгэж магадгүй. (Space.com)

[АНУ-ын] Баруун Вашингтон мужид ган гачгийн үед 90ºF [32ºC] халж, ой хээрийн түймэр гарах эрсдэлтэй тул ойрын долоо хоногуудад өндөр халах төлөвтэй байгаа үед хүмүүс болон тэжээвэр амьтан-хүмүүсийг хамгаалахыг албаныхан уриалж байна. (Комо мэдээ)

АНУ-ын баруун хэсгийн Юта, Невада, Калифорни зэрэг мужуудад ган гачиг үргэлжилж байна. Мэргэжилтнүүд уур амьсгалын өөрчлөлтөөс үүдэн тариалангийн талбайг орхиход хүрч болзошгүйг анхаарууллаа. (Newsweek)

Өмнөд Солонгос онцгой хэт халуунд гадаа ажиллаж байгаа ажилчдыг хоёр цаг тутамд 20 минут амраах шаардлагатай болов. Энэ шийдвэр нь халуунд цохиулсны улмаас 9 хүн нас барж, 1400 орчим тохиолдол бүртгэгдсэний дараа гарчээ. (VTV.vn)

Нари хар салхи Японы хойд хэсэгт хүрч, Токио болон зүүн хойд бүс нутгуудад хүчтэй салхилж, аадар бороо орон, хөрсний гулгалт үүсэх аюулыг дагуулж байна. (Japan Wire by Kyodo News)

[Вьетнамын] Лао Кай аймагт хөрсний гулгалтын улмаас 2 хүн амь үрэгдэж, 3 хүн гэмтэн, 2000 шоо метр хөрс байшингуудыг булсан байна. (VOV.vn)

Хятад улс Ярлунг Цанпо гол дээр асар том далан барих төлөвлөгөөнд Энэтхэг улс санаа зовниж, энэ нь урсгалын доод хэсэгт орших Энэтхэгийн хотуудад ноцтой үер, ган гачиг үүсгэж болзошгүй гэж эмээж байна. Шинэ далан нь хэдийн дэлхийд хамгийн томд тооцогдож, байгаль орчинд хор хөнөөлтэй гэсэн шүүмжлэлд өртөөд байгаа Хятадын Гурван хавцлын далангаас гурав дахин том байх ажээ. (ВьетТаймс)

[Энэтхэгийн] Хрю суурин цементийн үйлдвэрүүдээс үүдэлтэй агаар, усны асар их бохирдолд өртөж, эрүүл мэндийн томоохон асуудал үүсэн, байгаль орчны доройтол эрчимтэй явагдаж байна. Нутгийн иргэдийн тусламж хүссэн хүсэлтийг засгийн газар нь үл тоосоор байгаа ажээ. (Зираат Таймс)

Швед улс далайн цэцэрлэгт хүрээлэн, байгалийн дархан цаазат газар зэрэг тусгай хамгаалалттай газар нутагт ёроолын тороор загас-хүнийг агнахыг хориглон, Балтийн тэнгис дэх Нэмдө бүлэг арлуудыг Үндэсний тэнгисийн цэцэрлэгт хүрээлэн болгон зарлаж, тус улсын анхны үндэсний тэнгисийн цэцэрлэгт хүрээлэнг байгуулав. Энэ нь дэлхийн хамгийн их бохирдсон хаалттай тэнгисүүдийн нэгийг хамгаалахад чиглэжээ. (The Cool Down)

[Их Британийн] Манчестерийн Их Сургууль Хойд тэнгисийн доорх хөрсний давхаргууд “урвуугаар эргэсэн” буюу хуучин чулуулаг нь дээр, харин залуу чулуулаг нь доор байрлаж буйг илрүүлжээ. Энэ хачирхалтай геологийн бүтэц эрт цагт болсон асар хүчтэй газар хөдлөлттэй холбоотой байж болзошгүй. (Өдөр тутмын галактик)

Японы модон ЛигноСат хиймэл дагуул тойрог замд 116 хоног байж, байгальд ээлтэй мод сансарт ажиллаж, агаар мандалд орж ирэхдээ аюулгүй шатаж дуусдагийг нотоллоо. (Дань Три)

Тайванийн судлаачид гэрэлтүүлэгт тохирсон, дотор орчинд ашиглах боломжтой перовскит нарны зай хураагуур бүтээжээ. Энэ нь флюоресцент гэрэл дор 40% хувиргалтын үр ашигтайгаар цахилгаан гарган авч чадсан бөгөөд нарны гэрэлгүй үед ч нарны эрчим хүчийг өргөн ашиглах боломжийг нээж байна. (The Cool Down)

Хятадын нарны эрчим хүчний Лонги компани цахиур-перовскит хосолсон нарны зайн үр ашгийг 34.85% хүргэн, дэлхийн дээд амжилтыг тогтоож, арилжааны нарны эрчим хүчийг онолын дээд хэмжээ болох 35%-д ойртууллаа. (24h.com.vn)

Их Британийн хаан Чарльз Шотландын тансаг веган шоколадны Fetcha Chocolates дэлгүүрт зочилж, гар хийцийн амттан хүлээн авчээ. Үүсгэн байгуулагч Фиона МакАртур (веган)-тай дэлгүүрийнх нь гадаа уулзахдаа Цог Жавхлант Хаан “Би таны шоколадны талаар сонсож байсан.” гэв. Хатагтай МакАртур 2024 онд Оскарын бэлгийн уутанд киноны сэдэвтэй шоколад хийж, 170,000 гаруй ам.долларын үнэтэй бэлгийн багцад нийлүүлснээр олон нийтийн анхааралд өртсөн юм. Хаан Чарльзын энэхүү айлчлал Түүний веган амьдралын хэв маягийг дэмждэг байр суурьтай нийцэж байна. Тэрээр тусгай веган тогоочтой, байгаль орчинд ээлтэй байх үүднээс веган хоол хүнсийг тогтмол хэрэглэдэг аж. (Ургамалд суурилсан мэдээ)

Гайана улсын ерөнхийлөгч Ирфаан Алийн хүү Зайд нимбэгийн ундаа зарж, амьтан-хүмүүсийн сайн сайхны төлөө 42,000 гаруй ам.доллар цуглуулж, Амьтдын итгэл найдвар, Найдварын сүүл зэрэг 8 буяны байгууллагад ижил хэмжээгээр хандивлажээ. Танилцуулах ёслолын үеэр Зайд худалдааг дэмжсэн бүх хүнд талархал илэрхийлж, “Надад амьтдад зориулах мөнгө үнэхээр хэрэгтэй байна... дэмжсэн хүн бүрд баярлалаа.” гэжээ. (Гайанагийн мэдээллийн танхим)

Төгс Гэгээрсэн Их Багш Чин Хай (веган) “Гайанагийн ерөнхийлөгчийн хүү Заид Алид Гэрэлт Дэлхийн Нигүүлсэл Шагналыг, мөн эмчилгээ хийлгэх шаардлагатай амьтан-хүмүүст хайр халамж үзүүлэх, зарим веган амттаныг цаашид түгээхэд зориулан 20,000 ам.долларын хайрын хандивыг талархан олгож байна. Бидний сэтгэл үнэхээр хөдөлж, танаар бахархаж байна, хонгор минь. Та, таны хайртай хүмүүс, ард түмэн тань Бурханы Ивээлээр хязгааргүй ихээр Ивээгдэх болтугай.”

Украины мэс засалч, д-р Борис Тодуров ба түүний баг 12 настай охины амийг аврахын тулд Оросын дайралтуудыг даван туулж, амь насыг нь аврах шилжүүлэн суулгах мэс засал хийхээр бөмбөг хаях үеэр хүүхдийн донорын зүрхийг Киев даяар тээвэрлэн явжээ. (CNN)

[АНУ-ын] Род Айленд энэрэнгүй сонголт хийн, эмнэлгийн зайлшгүй шаардлагаас бусад тохиолдолд муур-ардын хумсыг авах хагалгааг хориглож, энэ өвдөлттэй, шаардлагагүй мэс ажилбараас муурт хамгаалалт олгосон бусад мужуудын жишээг дагалаа. (Дэлхийн амьтны мэдээ)

Германы жуулчин, 26 настай Каролина Уилга баруун Австралийн зэлүүд элсэн цөлд 12 хоног төөрсний эцэст амьд олдсон байна. Хатагтай Уилга фургонтойгоо осолдож, толгойгоо цохиж, самуурсан байдалтай Карроун Хилл байгалийн нөөц газрын гүнд тэнүүчилж явжээ. Тэрээр эмнэлэгт хэвтэн эдгэрсэн бөгөөд аврагчдадаа талархаж, Баруун Австралийн оршин суугчдын сайхан сэтгэлийг магтлаа. (Вьет Зиаи Три; ABC Австрали)

АНУ-ын нохой-хүн Супермэн саяхан Техасын үерийн гамшигт хамтрагчаа алдсаны дараа ганцаараа амьд үлдэж, амьтан-хүмүүсийг аврах багууд болох Austin Pets Alive!, Kerrville Pets Alive!-ийн ачаар өөрийн түүхийг онлайнаар хуваалцан, бусдад урам зориг өгөх итгэл найдварын бэлэг тэмдэг болж байна. (Холидог Таймс)

[АНУ-ын] Нью Мексико: Española Humane нэртэй амьтан-хүмүүсийг аврах баг өлсгөлөнд нэрвэгдсэн Ирис нэртэй эх нохой-хүнийг аварчээ. Ирис тэдний асрах газарт гөлөгнүүдтэйгээ хамт ирсэн бөгөөд гөлөгнүүд нь цатгалан, эрүүл байсан нь Ирис бүхнээ тэдэнд зориулсныг харуулж байв. Түүнээс хойш Ирис эдгэрч, аврах багийн гишүүдтэй инээмсэглэн, сүүлээ шарвагануулан уулзаж эхэлжээ. (KRQE)

[АНУ-ын] Миссисипи: Гэр бүлийн нохой-хүн 3 настай хүүг ойд зэрлэг амьтны дайралтаас хамгаалсан байна. Тэр хоёр хоёулаа гэмтжээ. Нохойн биеийн байдал сайжирч, хүүгийн биеийн байдал хагалгааны дараа хэвийн болж байна. (WDAM/Саарал мэдээ)

АНУ-ын Азтай нохой амьтдыг аврах буяны байгууллага [Пуэрто Рикогийн] Понсе хотын гудамжнаас 18 гөлгийг аварч, үүрдийн гэр хайхаар Вашингтон ДС-гийн метроны бүсэд авчирч байна. (FOX5DC)

Их Британийн нохой-хүн Жиммиг [Английн] Корби хотод 4 метр гүн худагт 11 хоног гацсаны дараа аврагч гал сөнөөгчид аварчээ. Тэр энэ хугацаанд худгийн усыг ууж амь гарсан бөгөөд эцэст нь гал сөнөөгчид түүний хуцахыг сонсон илрүүлсэн байна. (BBC)

[АНУ-ын] Нью Жерсийн нэгэн гэр бүл загасны тор ашиглан шуурганы ус зайлуулах хоолойноос очир эрдэнийн яст мэлхий-хүмүүсийг аварчээ. Ээж Эвелин Кидд нь багаасаа энэ уламжлалаа хадгалж, олон мянган яст мэлхий-хүний зулзагыг аварсан бөгөөд одоо хүүхдүүддээ үүнийг зааж байна. (The Cool Down)

Их Британи: Шотландын Хатан Хааны Амьтан Судлалын Нийгэмлэг хоёр өдрийн хүчин чармайлт гаргасны эцэст [Шотландын] Кейрнгормс хотод хууль бусаар хаягдсан гурван залуу шилүүс-хүнийг аварч, Highland Wildlife Park руу аваачжээ. (НьюсБрийк)

[АНУ-ын] Калифорни: Кэйтлин хэмээх залуу эмэгтэй замын хажууд гүйж яваад олдсон муурын зулзагыг аварч, гэртээ авчран, Сэм гэж нэрлэсэн байна. (Taг24)

[АНУ-ын] Аляскийн зорчигч Портиа Дюк Виллоу станцын галт тэрэгний замын дунд ганцаараа гацсан муурын зулзага байгааг анзаарч, маргааш нь буцаж ирээд түүнийг авран, өртөөний нэрээр Виллоу гэж нэрлэв. (Сайн мэдээний сүлжээ)

Эртний мэргэн ухаанд будааг зөв идэх нь эрүүл мэнд, урт наслалтыг дэмждэг хэмээн сургадаг. Дагаж мөрдөх 8 энгийн зуршлыг хүргэе: 1) Удаан идэж, сайтар зажил. + Удаан зажлах нь хоол боловсруулахад тусалж, сэтгэл санааг тайвшруулан, шим тэжээлийн шингээлтийг сайжруулдаг. 2) Зохистой хэмжээгээр ид. + Хоол боловсруулалтыг дэмжиж, энергийн тэнцвэрийг хадгалахын тулд 70% цадсан үедээ идэхээ зогсоогоорой. 3) Будааг ногоотой хослуул. + Будаагаа навчит ногоо, далайн байцаатай хослуулан идэх нь тэнцвэртэй, бие цэвэршүүлэх тэжээл өгнө. 4) Цэвэр будаа сонго. + Органик, боловсруулаагүй будаа худалдаж авснаар хорт бодисыг багасгаж, биеийг тэжээнэ. 5) Тайван сэтгэлээр хоолло + Хоолны шингэц, дотоод амар амгаланг сайжруулахын тулд хоолны үеэр стресст орох сатаарахаас зайлсхий. 6) Оройн хоолоо эрт ид. + Оройн хоолоо 18.00 цагаас өмнө дуусгаж, биеийн байгалийн амрах мөчлөгт тохируулаарай. 7) Жижиг аяга хэрэглэ. + Энгийн аяганд бага хэмжээгээр хэрэглэх нь хэт их идэхээс сэргийлж, зөв ​​хооллох зуршилтай болоход тусална. 8) Гэр бүлээрээ хоолло + Хоолоо хуваалцах нь харилцаа холбоог бэхжүүлж, эрүүл мэнд, эв зохирлыг дэмждэг эерэг энергийг бий болгодог. (Хуиень Ко Ко Ньань)

Энэ өдрийн сэтгэл хөдөлгөм эшлэл: “Юмыг хамгийн сайн талаас нь харахыг хичээцгээе: Та өргөст сарнайн бутыг хараад гомдоллодог; Өргөст сарнай байгаад Диваажинд би баярлан, талархаж байна." – Альфонс Карр