Дэлгэрэнгүй
Татаж авах Docx
Дэлгэрэнгүй уншаарай
Таны эсрэг, Таны тааллын эсрэг маш их нүгэл үйлдэж, Таныг мартаж, Таныг хайрлахаа мартаж, Таны Билиг Ухааныг, Зааварчилгааг, Сахилуудыг дагахаа мартсан биднийг, хүн төрөлхтнийг өршөөж буйд Тань Бурхан Танд би үүрд талархдаг хэвээр. Хүмүүсийг бүү үйлд хэмээн Таны хэлсэн энэ бүх нүглийг тэд үйлдвэл маяагийн-удирддаг энэ материаллаг оршихуйд тэдэнд хор хөнөөлтэй гэж айлдсан билээ.Таны Зааварчилгааг даган, энэ гараг дээр өөрсдийгөө хамгаалах үндсэн Сахилуудыг сахихын оронд зарим нь бүр Таны эсрэг эргэсэн. Дэлхий дээр бүр Таны төлөөлөгч байх учиртай Христийг эсэргүүцэгч пап лам Францис хүртэл Таны эсрэг явж, Таныг “бүтэлгүйтэл”, “Бурханы бүтэлгүйтэл”, “Загалмайн бүтэлгүйтэл” гэх мэтээр нэрлэлээ. Бурхан минь! Таны Сүр Жавхлангийн ачаар тэр энэ гараг дээрх хамгийн хүчирхэг Сүмийн энэ албан тушаалд очиж, маш олон зүйлийг хянаж удирдаж, олон тэрбум хүнээр шүтүүлж байгаа ч тэр Таны эсрэг эргэсэн. Тэр бол үнэхээр Христийг эсэргүүцэгч – үнэхээр илт: Их Эзэн Есүсийг тэр доромжилж, Түүнийг шашингүй үзэлтэн гэж, Таныг бүтэлгүйтэл гэсэн. Таны Сургаал Номлолын эсрэг, Дээрхийн Гэгээн Таны эсрэг маш олон зүйлийг тэр хэлсэн. Бурхан минь! Хүн яаж ийм зүйл хийж зүрхэлдэг байна аа!За, там түүнийг зохицуулаг. Тийм хүн дээр би ахиж цагаа бармааргүй байна. Хэрэв тэр хүн мөн бол шүү дээ. Биш гэдэг нь гарцаагүй. Төрөл авсан чөтгөр байх.Эцэст нь, бараг л эцсийн мөчид цөмийн нэгдэх урвалыг зогсоосонд Их Эзэн Танд би талархлаа илэрхийлмээр байна. Үүнийг зогсоосон хэвээр нь байлгаж өгөхийг гуйя. Хятадын засгийн газарт нөлөөлөн, үүнийг үүрд унтраалттай байлгаж өгөхийг хүсье. Яагаад гэхээр ийм хүчирхэг зүйлд хэдийд ч гэнэтийн осол гарч мэднэ. Хүмүүст үүнийг зохицуулах хангалттай технологийн мэдлэг байхгүй бөгөөд осол хэдийд ч гарч мэднэ. “Гарч магадгүй” ч биш, гарах гарахгүй эсэх тухай ч биш, харин хэзээ, хэзээ гарах бол, хэзээ вэ гэдэг л байна. Тэр мөчийг бодоход л чичирч байна.Манай дэлхийд ирээдүйг харж чаддаг олон далдыг харагч байдаг. Тэд цөмийн гамшиг, цөмийн дэлбэрэлт болохыг зөгнөсөн. Жишээ нь: Болгарын Хатагтай Баба Ванга, ариун Гэгээнтэн Баба Ванга байна. Гэвч “Тэд цөмийн зэвсгээр нэгнээ устгах Дэлхийн III дайны талаар ярьж байна.” гэж хүн бүр бодсон. Би ч ялгаагүй. Би “За, дайтагч улс орнуудын, Америк Оросын хоорондын юм уу НАТО Оросын хоорондын, эсвэл бусад олон террорист бүлгүүдийн хооронд болж буй дайнаас үүдэлтэй цөмийн зэвсэг байх.” гэж бодсон.Тиймээс хүн бүр л дэлхийн хамгийн аюултай сүйтгэгч хэрэгсэл болох цөмийн нэгдэх урвалаас анхаарлаа холдуулсан. Энэ нь цөмийн зэвсгээс ч дор. Олон цөмийн бөмбөгийг нийлүүлснээс ч илүү хүчтэй. Гэвч хүн бүрийн анхаарал, магадгүй бүгд, би ч бас энэ тухай нэг их юм бодоогүй. Сүүлийн үед болоод байгаа дайны тухай л бид боддог. Дашрамд хэлэхэд эдгээр дайнаас олныг нь зогсоож, амьдралдаа үлдсэн зүйлсээ эргээд сэргээх боломж олгосонд Тань бас талархъя. Эцэст нь биднийг тодорхой хэмжээнд өршөөн, Хятадын мэргэжлийн эрдэмтдээр энэхүү цөмийн нэгдэх урвалыг одоогоор унтраалгасанд баярлалаа. Биднийг Та өршөөн, улмаар тэд үүнийгээ үүрд унтраах болтугай. Учир нь ахиад асаачихвал хэзээ дэлбэрэхийг таашгүй.Технологийн зүйлс алдаа оноогүй байдаггүй. Дийлдэшгүй биш. Бүр бүтцээрээ энэ нь өөрийн гэсэн асуудалтай. Жишээ нь: Орчин үед бидний компьютерт вирус тархдаг. Үнэхээр утгагүй. Тоног төхөөрөмжүүд вирустэж, ажиллагаагүй болох юм уу асуудал тарьж, бусад төхөөрөмжийн системд халдаах боломжтой. Бидний АйФөүн үнэхээр сайхан, бодит хэрэглээтэй ч заримдаа хүмүүсийн халаасанд хүртэл дэлбэрдэг. Сүүлд мэдээгээр уншихад хаа нэгтээ дэлбэрсэн байсан. Ямартай ч азаар хэн ч бэртээгүй. Заримдаа энэ нь эмэгтэй хүний гар цүнхэнд юм уу хэн нэгний гарт шатчихдаг. Тэгэх боломжтой. Бүр халаасанд ч шатдаг. Таашгүй шүү дээ. Гэвч ийм тохиолдол бүрийг, үүнтэй холбоотой, төстэй явдал болгоныг хэвлэл мэдээллээр нийтлээд байдаггүй. Гэсэн ч ийм зүйлс болдгийг ядаж л бид мэднэ.Тийм жижиг, гэм хоргүй харагдах АйФөүн тэгж айлгаж, гэмтээх боломжтой. Тийм том, аварга том, цөмийн нэгдлийн талаар ярилтгүй. Уг нь бол анх удаа мэдээлэхдээ би зүгээр л “нэгдэл” гэж хэлсэн. Гэвч дараа нь би нэмэлт мэдээлэл аваад “цөмийн нэгдэл” гэдгийг мэдсэн. “Цөмийн” гэдэг үг үнэхээр аймшигтай сонсогдсон шүү. Ганц тэр үг л айдас төрүүлнэ. Жинхэнэ зүйлийг нь, аварга том төхөөрөмжийг ярилтгүй. Хүн төрөлхтний түүхэнд барьж байгуулсан хамгийн том нь. Эсвэл магадгүй өнгөрсөнд галактик хоорондын амьдралтай илүү дээд соёл иргэншилтэй байх үед бидэнд илүү аймшигтай төхөөрөмж байсан байх. Гэвч энэ талаар мэдээлэл байдаггүй. Учир нь тэд бүгд үгүй болсон. Ийм мангасуудыг бүтээгчид, дэлхийг сүйтгэгчидтэй хамт арилсан! Бүх гэнэн дэмжигчидтэйгээ хамт шүү!!!Тиймээс одоогоор, энэ мянганд, эсвэл урт хугацаанд Хятадад байгаа цөмийн нэгдэл шилдэг нь, энэ салбартаа хамгийн том нь. Тэгээд Европт бас тэд иймэрхүү цөмийн нэгдэх урвалын бас нэг реактор барихаар төлөвлөж байгаа тухай би уншсан. Бурхан минь! Гуйж байна, гуйя, зогсоогооч дээ. Зогсоо. Үр дагавар нь төсөөлөхийн аргагүй.Гэсэн ч Бурхан биднийг явуулахыг хүсвэл явах л ёстой болно. Учир нь өндөр технологитой найзууд болох ҮМНБ-үүд тэрхүү цөмийн нэгдэх урвалыг унтраахад тусалж чадах байсан ч Бурхан унтраалгахыг хүсээгүй. Тийм учраас тэд чадаагүй юм. Өдийг хүртэл яагаад гэдгийг тэд мэдээгүй гэдэгт итгэлтэй байна. Найзууд минь, тухайн үед Бурхан та бүхэнд хориглосон учраас тэр юм шүү.Үй олон харгис хэрцгий зүйл үйлдэж, гэмгүй, хөөрхий амьтан-хүмүүсийн эсрэг, бусад хүмүүсийнхээ эсрэг маш олон төсөөлшгүй нүгэл үйлдэж, мөн байгаль орчноо ихэд сүйтгэж, усаа бохирдуулж, агаараа хордуулсан хүн төрөлхтнийг Бурхан өршөөхийг, тэдэнд зөөлөн хандахыг хүсээгүй. Хүмүүсийн хийж ирсэн бүхэн хэнд ч, өөрсдөд нь ч огт сайн биш. Бүр сансар огторгуйг бохирдуулж, энэ нь ойролцоох олон гараг, оддод нөлөөлсөн байх боломжтой. Үүнээс болж бүх зүйл бидний эсрэг байна: муу цаг агаар, аймшигт дайн, биднийг чиглүүлэн төрөл бүрийн сөрөг энерги цацруулж, урьд нь залгиж байсан олон галактик, одод шигээ биднийг бас залгихаар заналхийлсээр байгаа Дэлхий рүү чиглэж буй томорч байгаа хар нүх.Гэтэл хүмүүс унтсан хэвээр. Би хэрхэн яаж илүү чангаар орилохоо мэдэхгүй юм. Тэднийг сэрээхийн тулд би өөр юу хийж чадах билээ? Бурханы Ивээлээр заримыг нь сэрээсэн. Гэвч олон хүн гүн нойрссоор. Тэд алхаж, идэж, ярьж байгаа ч яг л зомби шиг. Жинхэнэ чухал мэдлэг тэдэнд алга. Материаллаг эд баялаг, түүнийг арвижуулах талаар, бие махбодыг арчлах, материаллаг тав тух, эд баялаг, сүр жавхаатай холбоотой зүйлсийн талаар л тэд илүүтэй мэдэхийг хүсдэг. Энэхүү материаллаг, чөтгөрийн оршихуйн энэ бүх урхи занганаас өөрсдийгөө чөлөөлөх хамгийн чухал зүйл, гол утга учир болох оюун санааны ертөнцийг тэд бүрмөсөн мартчихдаг.Будда, Гаутама Будда Буддын хутагт хараахан хүрээгүй байхдаа дэлхий даяар хэсэн явж байсан үеийн тухай миний ярьсан олон түүхийг та нар санаж байгаа. Тэр зөвхөн Будда л болохыг хүссэн. Гэтэл маяа болон унасан сахиусан тэнгэрүүд Түүн рүү дайрч, үнэхээр их, маш их асуудал, балаг, гай зовлон тарьсан шүү дээ. Махавира Бурханд ч адил, Есүс Христэд ч адил.Тэдний (маяа/унасан сахиусан тэнгэрүүдийн) хийдэг зүйл бол Бурханы хүслийг биелүүлэхийг эрмэлздэг, бусдыг өндийхөд нь, гэгээрч, чөлөөлөгдөхөд нь туслах гэсэн хэн бүхнийг сорилт нэрийн дор дарахыг л хүсдэг. Тэд бол муу санаат хүмүүс. Тэд бол муу ёрын төрөлтнүүд, чөтгөр, маяа. Тэд жинхэнэ сайн бясалгагчид, бодит ертөнцийн Аврагч нар, Их Багш нарыг хорлохыг л хүсдэг.Аль ч Их Багш байсан маяагаас болж маш их зовлон туулах ёстой болдог. Чин сэтгэлийг шалгах нэрийдлээр тэд ингэдэг. Ээ Бурхан минь. Энэ хэнд хэрэгтэй юм бол оо? Бурхан бүгдийг мэдэж байгаа. Чин сэтгэлтэй эсэхийг тань Бурхан л мэднэ. Тэд энэ шоронгоос, энэ ертөнцөөс гарахын тулд Өөрсдийгөө чөлөөлөхийг хичээж, Өөрсдийг нь дагахад бэлэн байгаа бусад хүмүүсийг ч мөн Гэрт нь хариулахын тулд Өөрсдийн хүчин чармайлт, оюун ухааны бүх хүч чадлаараа чадах бүхнээрээ хичээдэг.Тэд ямар ч нүгэл, ямар ч гэмт хэрэг үйлдээгүй ч маяа Тэднийг дарж, хорлож, урхиндаа оруулахыг, хууран мэхлэхийг хичээж, бусдад Гэртээ харихад нь туслахыг хүссэн ариун төрөлтнүүдийн хэн нэгийг бусдын гараар могой барин, бусдын хүчээр хорлохыг хичээсээр байна. Учир нь маяа бүх сүнсийг энд байлгахыг, өөрийн зорилгод нийцүүлэн удирдаж, хүмүүсийн оюун ухаан, сүнсийг хордуулахыг хүсдэг нь үнэн. Сүнсийг магадгүй тэд хордуулж чадахгүй байх. Гэхдээ тэд бодол сэтгэлийг хордуулж чадна. Тэгээд бодол сэтгэл нь сүнсийг үл тоон, маяагийн төлөө бүх төрлийн нүглийг үйлдүүлэх болно.Бидний шүтдэг Бурхан байхгүй бол, хэрэв бид Бурханы тухай бодохгүй, Бурханыг санахгүй, Бурханд талархахгүй, Бурханыг магтахгүй бол үнэхээр маяагийн нөлөөнд ямагт өртөмтгий байх болно. Тэгээд туйлдаж ядарсан үедээ Бурханыг дууддаг ч олигтой ч дуудаж чаддаггүй, бүр сайн залбирч ч чаддаггүй, өөрийгөө чөлөөлөхийн тулд Бурхан өөрт тань юу гэж хэлснийг огт сонсдоггүй. Ийм учраас Бурхан танд зааж, туслан, Гэртээ хэрхэн харихыг тань сануулж, эсвэл Гэртээ харихад тань замчлан, бүр Гэр рүү тань авч явах учиртай Бурханы Хөвгүүдийг, Бурханы Охидыг таны Багш, Дэлхий дээрх Их Багш тань болог хэмээн илгээх ёстой болдог. Гэвч маяагийн нөлөө энэ дэлхийд маш их, асар их тул Их Багшийн зорилгыг бараг боломжгүй болгож, бүх талаас нь, янз бүрийн хүмүүсээр зовлон шаналал, асуудал бэрхшээл тарих, үл ойлголцол үүсгэх, дарлаж, шоронд хорих, дарамталж, заналхийлэх зэргээр зовоосоор ирсэн.Бурхан мэднэ, Их Багш нар энд бууж ирээд хамгийн том эрсдэл, золиослолтой тулгарах учиртай гэдгээ мэддэг. Гэвч туйлдаж ядарсан, тэсэхийн аргагүй болсон хүмүүс чин сэтгэлээсээ маш чангаар тусламж дуудсан байдаг юм. Тиймээс Бурхан тусламж илгээн, Их Багш нар ч туслах ёстой болдог. Гэхдээ энэ материаллаг ертөнцөд хүмүүст зааж сургах ажил нь уулыг эргүүлж, далайн усыг шавхах дайтай хэцүү юм. Энэ ердөө яриа төдий биш. Энэ үнэхээр хэцүү. Бүр төсөөлөхийн ч аргагүй. Тийм учраас Их Багш нар энэ талаар нэг их яриад байдаггүй юм. Тэд чимээгүйхэн зовж шаналж, чадах бүхнээ хийдэг. Хэрэв бид дэлхий буюу материаллаг ертөнц гэгч энэ шоронгоос гарч чадвал Бурханы Ивээлээр хүртсэн бүх зүйлийн төлөө Их Багш нарт өртэй. Тиймээс бид Бурханд талархаж, өнгөрсөн, одоо, ирээдүйн бүх золиослогдсон Их Багш нарт талархах учиртай.Хэрэв энэ дэлхий илүү энэрэлтэй газар болж өөрчлөгдөхгүй бол бууж ирсэн Их Багш нар урьдын олон Их Багш нарын адил хаалттай хаалганы цаана, эсвэл заримдаа ил тодоор их хэмжээгээр зовж шаналсаар байх болно. Тэднийг янз бүрийн аргаар хөнөөсөн. Есүс Христ, Плутарх, Сократ, Номлогч Мухаммед /Тэрээр Амгалан байг/, Их Багш Бахаулла, Будда нар хүртэл. Тэднийг бүгдийг нь дурдъя гэвэл дуусашгүй урт жагсаалт болно. Суприм Мастер Телевизээрээ Тэдний яриаг дамжуулснаар бид Тэдний Ивээл, золиослол, Агуу чанар, Сургаалыг сануулахыг хичээж байна. Гэхдээ хүмүүсийг гэсэн адислал дүүрэн эдгээр нэвтрүүлгийг хэдэн хүн сонсохыг би сайн мэдэхгүй байна. Юутай ч бид чадах бүхнээ хийж байгаа.Манай баг болон намайг ямар их хөдөлмөрлөдгийг Бурхан л мэдэх байх. Яагаад гэвэл би яаж ч ажилласан багийн гишүүдийн ажилтай адилхан байдаг. Заримдаа бид өлсөж цангадаг ч нэвтрүүлгээ хурдан, яаралтай цацах хэрэгтэй. Тиймээс бид өлсөж цангахаа ч юман чинээ санадаггүй.Гэхдээ дашрамд хэлэхэд багийн гишүүд ээ, бие махбодоо тоомсорлохгүй байж болохгүй шүү. Учир нь энэ бол бусдад туслах хамгийн том хэрэгсэл юм. Хэрэв та нарт маш яаралтай ажил байгаа бол... Та нарт хэлж байгаа атлаа би өөрөө үүнийг хийдэггүй л дээ. Надад заримдаа өөртөө хэт их санаа зовоод байх хангалттай хүч байдаггүй. Харин та нар намайг бодоод өөрсдөдөө санаа тавьж байгаарай. Цаг гарвал веган сэндвич юм уу ямар нэгэн бэлэн зүйл хийж, хөргөгчид хадгалчхаарай. Тэгээд хэрэгтэй үед нь хурдхан халаагаад л, ажиллаж байхдаа түргэхэн иднэ. Би ихэвчлэн тэгдэг. Ихэнхдээ надад бусад хүмүүс шиг хооллоод байх зав байдаггүй. Тэгээд миний ажлын ширээ маш жижиг болохоор хоолоо ч бас шалан дээр тавиад хоол идэнгээ ажилладаг. Гэхдээ болж өгвөл та нар залуу байгаа дээрээ, илүү боломжтой дээрээ, миний төлөө, дэлхийн ч төлөө өөрсдийгөө илүү сайн анхаарч үзээрэй. Гуйж байна. Мөн хэрэгтэй зүйлээ ажлын зардлаар захиалаад аваарай. Та нар мэднэ дээ. Мэдэж байгаачлан би даана. Та нар идэхийг хүссэн бүхнээ захиалаарай. Мэдээж бүгд веган. 100% веган.Мөн өвдөлт мэдэрдэггүй хүнс. Би энэ талаар хангалттай судалгаа хийж амжаагүй байна. Харин одоо баг бүрдүүлж байгаа. Хоолны нэрсийг жагсаан бичихэд надад туслаач гээд баг бүрдүүлсэн. Учир нь өмнө нь надад цаг зав гардаггүй байсан болохоор жүрж өвдөлт мэдэрдэг, манго өвдөлт мэдэрдэг гэхчлэн билгийн мэлмийд гялсхийн үзэгддэг байлаа. Ганц нэгээр тогтохгүй олон төрлийн манго байдгийг би мэднэ.Олон төрлийн жүрж байдгийг би мэднэ. Тэгээд тэр болгон өвдөлт мэдрүүлсэн, өвтгөсөн хоол биш. Гэхдээ би мэдэхгүй зүйлээ идэж, эрсдэл гаргаж түвдсэнгүй. Би бүх төрлийн жүржийн нэрийг нэг бүрчлэн мэдэхгүй. Надад хангалттай цаг байсангүй. Мөн би эдгээр зүйлийн талаар интернэтээс хэрхэн шалгахаа мэдэхгүй байна.Интернэтэд юу байдаг талаар миний мэдэх зүйл бага. Зөвхөн мэдээ хайж харж л мэднэ. Аз болоход утсан дээр жишээ нь Ютюб гарч ирдэг. Энэ бол миний яаж шалгахаа мэддэг цорын ганц зүйл. Утсан дээр маань л гараад ирдэг. Мөн түүнчлэн мэдээ мэдээлэл, миний компьютер дээр гарч ирдэг. Тэгээд шалгахад ашигладаг юм. Майкрософт, Ютюб хоёр байх. Учир нь зүгээр л гарч ирдэг, олж харахад хялбар байдаг юм. Бусдыг нь яаж гэдгийг мэдэхгүй. Яаж олохоо мэдэхгүй байна. Мөн хаа сайгүй шалгах зав алга. Гэхдээ манай баг шалгаж чадна. Тэд авьяастай. Илүү өргөн интернэт хандалтын талаар мэдлэгтэй.Иймд би ийм авьяаслаг хүмүүсийг, гайхалтай, эрхэм ариун хамт олныг надад өгсөн Бурханд баярлан, талархаж байна. Өмнө нь би боломж гарвал өөртөө зориулан шалгадаг байлаа. Харин дараа нь Бурхны шавь нар маань ч бас өвдөлт мэдэрдэггүй хүнс мэдэхийг хүсэж байгаа болов уу гэж бодсон. Иймд аажмаар улам их судалж эхэлсэн. Харин одоо багийнхнаа надад судалгаа хийгээд өгөөч гэж хүссэн. Жишээлбэл: Жүржийн хэдэн төрөл байна вэ, тэдгээрийн зураг, нэрийг надад илгээж, тэгээд би сонгож болно. Аль нь өвдөлт мэдэрдэг, аль нь өвдөлт мэдэрдэггүйг би шалгана. Тиймээс өнөө үед бид идэж болох илүү олон жимс, ногоотой болсон. Үүнээс өмнө надад тун хязгаарлагдмал мэдээлэл л байлаа.Бүх жимс, хүнсний ногооны нэрийг шалгахын тулд хэн нэгнээс тусламж гуйна гэж бодсонгүй. Тэгээд жүрж гэх шиг болоход л би бүх жүржийг иддэггүй. Хэрэв алим гэх мэт бусад зүйл зурсхийх шиг болбол би бүх алимын нэрийг шалгаагүй гэсэн үг. Тиймээс маш удаан хугацаанд би алим огт идээгүй. Учир нь шалгаж амжаагүй тул алимын нэрийг бүгдийг нь мэдэхгүй. Өмнө нь хүнсний дэлгүүр рүү чөлөөтэй явдаг байхдаа нэрийг нь шалгалгүй, аль таалагдсан алимаа хараад л авдаг байсан. Ингээд л боллоо. Тиймээс би бүх алимын нэрийг мэдэхгүй байна. Тиймээс нэр мэдэхгүй болохоор алдаа гаргаад өвдөлт мэдэрдэг жимс идчих вий гэж санаа зовсон. Тиймээс би алим иддэггүй байсан. Удаан хугацаанд жүрж идээгүй. Алим идээгүй удсан. Би бас удаан хугацаанд усан үзэм идсэнгүй. Жишээ нь: Өвдөлт мэдэрдэг эсэхийг нь мэдэхгүй байгаа ургамлыг гэмтээхгүйн тулд идээгүй өөр олон бий.Өө, саяхан манай багийнхан надад бүх нэрийг олж мэдэхэд тусалсан учраас бид аажмаар илүү олон жимс, өөр олон хүнсний ногоо мэдэж аваад байгаа. Учир нь жимсний бүлүүдийн өөр өөр төрлүүд дотор өвдөлт мэдэрдэг, мэдэрдэггүй тохиолдол байдаг. Өвдөлт мэдэрдэггүйг нь Бурхан бүтээж, харин өвдөлт мэдэрдэг нь сөрөг хүч буюу сөрөг нөлөөнөөс, эсвэл зарим нэг хүмүүсийн сөрөг энергиэс, өвдөлт мэдэрдэг жимс ногоог үүсгэдэг ийм энергийн бөөгнөрлөөс ялгарах хэлбэлзлээс үүдэлтэй. Дараа нь намайг бүх алимыг шалгасны дараа зарим нь өвдөлт мэдэрч байгааг харсан. Гэхдээ инээдтэй нь өвдөлт мэдэрч байгаанууд нь бүгд өөр өөр дүр төрхтэй: илүү бараан, айдас төрүүлэм байдаг. Мөн түүнчлэн ийм нь өвдөлт мэдэрдэггүй бүх алимтай харьцуулахад тийм ч аятайхан биш, илүү шахагдсан, илүү хавтгай харагддаг.Надад бүх жимс, хүнсний ногоог шалгаж үзэх цаг тэр бүр байдаггүй. Гэхдээ санамсаргүйгээр өвдөлт мэдэрсэн, гутарсан хэд хэдэн төрлийн алимыг анзаарсан юм. Зөвхөн нэг төрөл нь л арай хэвийн харагдаж байлаа. Гэхдээ миний харсан өвдөлт мэдэрдэг алимуудын ихэнх нь бараан өнгөтэй, дарагдсан шинж чанартай байдаг. Гурвалжиндуу хэлбэртэй байхын оронд эдгээр алим илүү хавтгай, бараан өнгөтэй, толботой, ердийн алимаас ямар нэг байдлаар өөр төрлийн байдаг. Өвдөлт мэдэрдэг алимаас зөвхөн нэг төрөл нь бусад бүх төрлийн алимтай харьцуулахад бага зэрэг хэвийн харагддаг. Хэрэв шалгаагүй бол өвдөлт мэдэрдэггүй алимын нэг гэж бодох байсан. Гэхдээ зөвхөн нэг төрлийнх нь өвдөлт мэдэрдэг. Гэхдээ бусад алимтай төстэй, улбар шардуу өнгөтэй алимтай төстэй нь.Ямартай ч дашрамд хэлэхэд хэрэв та нар веган биш гэж сэжиглэж байгаа зүйл байвал идэж болохгүй. Үхчихгүй шүү дээ. Өөр дэлгүүр, эсвэл өөр ресторанд очоод ид. Эсвэл маргааш хүртэл хүлээ, өөр юм ид. Гарцаагүй веган гэдгийг нь мэддэг зүйлээ л идээрэй. Нэг номын ах над руу сэтгэлийн үг илгээсэн байсан. Тэр андуурч веган бус хоол идсэн чинь гэртээ хариад оюун санааны хувьд маш их зовж шаналан, ахуй ойлголтдоо муу юм харж, цэвэр биш болох гэх мэт зүйл тохиолдож.
Адислалуудыг Эрхэм Их Багш болон Суприм Мастер ТВ-ийн хамт олонд хүсэн ерөөе. Би өөрийн туршлагаасаа хуваалцмаар байна: 2024 онд найзуудтайгаа хамт Малайз, Тайланд руу аялсан юм. Нэг өдөр би хэд хэдэн веган ресторанд хооллосон, гэхдээ нэг худалдаачнаас хөнгөн зууш худалдаж авсан юм. Худалдаачин ихэвчлэн цагаан хоолны бус хүнс зардаг ч энэ баярын үеэр цагаан хоолны хүнсээр солиод зарж байгаа гэдгээ хүлээсэн. Би нэг их юм бодсонгүй зуушийг идэв. Тэр шөнө би харанхуй оршнолууд байнга хөдөлдөг төөрдөг байшин шиг харанхуй ертөнцөд орчихов. Би найзыгаа тэврээд гарах гарц хайсаар л байв. Би чимээгүйхэн Их Багшийн Нэрийг давтан хэлээд эцэст нь чангаар хашгирах шахахаасаа өмнө сэрэв. Сэрсэн даруйдаа би ариун бус зүйл идсэнээс болсон гэдгийг ойлгосон. Би тэр даруй наманчилж, Их Багшийн тусламжинд талархлаа. Их Багш Таны Адислал, хамгаалалд баярлалаа. Танд хайртай шавь, Малайзаас улсаас Ифран
Хэрэв та нар ямар нэг буруу зүйл андуураад ч гэсэн идсэн л бол ариун бус бодол төрж, хүчирхийлэлд өртөж, бие махбод, оюун ухаан, сэтгэл санааны өвчин тусах болно.Тиймээс ямартай ч болгоомжтой байгаарай. Би та нарт хэлээд зогсохгүй өөрөө ч тэгдэг. Би цэвэр веган биш гэж сэжиглэсэн зүйл идсэн дор бол өлсөхийг илүүд үздэг. Яг л удаан хугацаанд алим идээгүй шигээ. Би тун удаан хугацаанд жүрж идсэнгүй. Өнөөг хүртэл тэд надад олон нэр олж өгч, би алийг нь идэхээ сонгосон. Зөвхөн нэрээр нь сонгоод зогсохгүй дотоодод Бурханаас ирсэн оюун санааны адислалаар, Бурханаар сонгуулж, аль нь өвдөлт мэдэрч, аль нь өвдөлт мэдэрдэггүйг мэдэж авдаг. Гэхдээ урьд нь бүх нэрийг нь шалгах зав ч байсангүй, яаж шалгахаа ч мэдэхгүй байсан болохоор жүрж огт иддэггүй байсан. Би ерөөсөө алим идээгүй. Усан үзэм огт идээгүй.Сүүлийн үед би өөрийн дуртай илүү олон жимснүүдийг, амттай жимснүүдийг идээд илүү их баяртай байгаагаа хүлээн зөвшөөрөх ёстой. Үнэндээ өмнө нь хааяа би алим идмээр маш их санагддаг байсан. Жүрж идмээр маш их санагддаг байв. Жүржийн шүүс ч уугаагүй. Одоо би илүү баялаг хоол хүнс, жимс ногоотой болсон.Тэр ч байтугай зарим веган махыг хүртэл өвдөлт мэдэрдэг орц найрлагатай холилдсон эсэхийг нь шалгах ёстой болдог. Хэрэв тийм бол би бас иддэггүй. Тиймээс би та нарт хэлсэн бүхнээ өөрөө бас хийдэг. Намайг шууд та нарт зааварлаж байна гэж битгий бодоорой. Зүгээр л хэлж байгаа юм. Гэхдээ би та нарт өвдөлт мэдэрдэг, үгүйг нь мэдэхгүй веган хоол идэхийг хориглохгүй. Учир нь би бүгдийг нь жагсааж амжаагүй байна. Маш их хүнс, маш олон жимс бий. Бас би ганцаараа байнга хурдан хийж чадахааргүй маш олон зүйл байдаг тул бараг 24 цагийн турш гадна, дотно ажлаа хийдэг. Үнэхээр 24 цаг. Ямар нэг юм идэхээс бусад үед. Бусад үед нь ажил, ажил, ажил. Ажлаас өөр юмгүй. Би дуртайяа хийнэ.Би та нарт мэддэг зүйлээ л хэлж байна. Үүнийг дагахыг хүсвэл тань тус болог гэж л хэлж байна. Гэхдээ би юу ч хориглоогүй. Та нарт гагцхүү веган хоол ид гэж зөвлөж байна. Мөн надад итгэж байгаа та нарын хэн бүхэнд баярлалаа. Бурханыг санаж, залбиран, Бурханыг магтан дуулж, буянтай, веган хоолтон байж, эргэн тойрныхоо бүх хүмүүстэй эв найртай байж, эргэн тойрныхоо бүх хүн, амьтан-хүн, мод төрөлтнүүдийг хайрлаж, өөрсдийгөө хамгаалж буйд тань баярлалаа. Явж өнгөрсөн газар бүртээ битгий гай болоорой. Харин ч тэдэнд адислал, ач тус болох энэрэнгүй энерги нь байгаарай. Биднийг гэгээрүүлэн, хайрлаж, өршөөдөг Бурханд талархъя. Танд үргэлж баярладаг, Эрхэм ээ. Баярлалаа, Эрхэм ээ. Амен.Photo Caption: Байгалийн Гоо Үзэсгэлэн Бишрэн Бахдам Туйлын Дэгжин!
