Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Төгс Гэгээрсэн Их Багш Чин Хай БУРХАНД бүрэн итгэснээр Диваажингийн баялаг болон бидний авьяас чадвар хэрхэн нээгдэн илэрдэг тухай, мөн хүмүүсийн сэтгэлийг яагаад хайр, сайн сайхнаар татах ёстойг тайлбарласан юм.Нэлээд дээр үед, би Италид анх удаа ирэхдээ галт тэргэнд – нэгэн настай эмэгтэйтэй тааралдсан юм. Тэр намайг гэртээ урьж, хэд хоногийн турш хамгийн хүндэт зочин мэт хандсан. Гэр бүлийнхэн нь ч мөн адилхан хандсан. Ямар ч хариу нэхээгүй. Ямар ч шалтгаангүйгээр. Тэд төрөлхийн сайхан сэтгэлтэй, хайраар дүүрэн хүмүүс юм. Иймээс намайг Италид буцаж ирэхэд эдгээр бүх зүйл дахин тохиолдсон. Энд удаан хугацаанд ирээгүй болохоор би мартчихсан байжээ. Тэгээд энэ нь анх удаа мэт санагдсан. Бид бүгдийн адил, Тэнгэртэй дахин анх удаа танилцах үедээ, бид ч бас үүнийг анх удаа болж байна гэж бодно.Хэдийгээр [Эзэн БУРХАН] Есүс Христ бараг 2000 жилийн өмнө биднийг орхин одсон ч, энэ нутагт асар их ул мөрөө үлдээсэн гэж би боддог. Тиймээс сайн зүйл хуучирч, цаг үеэсээ хоцорсон байсан ч үргэлж хэрэгтэй байдаг. Бид хэн нэгэнд сайхан сэтгэлээр хандах бүрдээ өөрсдийнхөө болон тэр хүний хооронд, мөн эргэн тойрондоо агуу Диваажинг бүтээж байдаг. [Эзэн БУРХАН] Есүс дэлхийг атомын бөмбөгөөр ч, цацраг идэвхт пуужингаар ч бус харин Хайраар байлдан дагуулсан. Харамсалтай нь бидний зарим нь яг үүнийг сайн ойлгож, сураагүй байна.Хэрэв дэлхийн хүн бүр Италичуудын адил үйлддэг байсан бол дайн цөөрч, энх тайван тогтож, улс үндэстэн бүр илүү хөгжин цэцэглэх байлаа. Эзэн БУРХАН Есүс биднийг орхин одсоноос хойш, бидний зарим нь БУРХАНЫ замаар хэрхэн алхах, БУРХАНЫ чанар, мөн чанарыг үйлдлээрээ хэрхэн илэрхийлэх, тэр бүү хэл БУРХАНЫ нэг хэсэг гэдгээ хэрхэн санахаа мартжээ. Италичууд БУРХАНЫГ маш сайн санаж явдагт би их баяртай байна. Эзэн БУРХАН Есүсийн Сургаал хүн төрөлхтөнд ямар гайхамшигтай, ер бусын нөлөө үзүүлснийг энд ирж гэрчилж байгаадаа би баяр хөөртэй байна. Ганц хүн дэлхийн нийт хүн төрөлхтөнд, эсвэл ядаж дэлхийн зарим хэсэгт хэчнээн их нөлөө үзүүлж чаддагийг бид харж байна уу? Ялангуяа Италид.Тиймээс нэг бодит үлгэр дуурайл онолын мянган номоос ямагт илүү байдаг. Зөвхөн хайр л ийм агуу, удаан үргэлжлэх нөлөөг үзүүлж чадна. Италичууд та бүхнийг би зөвхөн магтан сайшааж л чадах ба гүнээ хүндэтгэн, та бүхнийг таньж мэддэгтээ баярлаж байна. Эзэн БУРХАН та нарыг маш ихээр адисласан ба энэ нь танай соёл, архитектур, урлагийн үнэт өвүүдээс хүртэл илэрч харагддаг бөгөөд Эзэн БУРХАН Есүс танай нутгийг Сургаалаараа ивээснээс хойших хугацаанд танай түүхэн дурсгалт газруудад шингэн тусгагдсан байдаг.Орчин үед ч танай нутгаас олон уран бүтээлч төрөн гарч, гоо сайхныг хайрлах сэтгэлээрээ дэлхий дахиныг байлдан дагуулсан. Олон алдартай уран бүтээлч итали хүн гэдгийг та бүхэн сайн мэднэ. Тиймээс дэлхийн хүн бүр энэ жишээнээс суралцаж, бусдын зүрх сэтгэлийг зэвсгийн хүчээр бус, сайн сайхан сэтгэл, хайр, гоо үзэсгэлэн, эрхэм чанараараа байлдан дагуулж сурах хэрэгтэй. Танай уран бүтээлчид авьяас чадвар, үзэсгэлэнт загварын хувцас, үнэт эдлэл, тансаг, нарийн ур хийцтэй эд зүйлс, олон сайхан уран зураг, баримал гэх мэтээр дэлхийг байлдан дагуулсныг та бүхэн мэднэ. Пикассо ч мөн... Дашрамд хэлэхэд, тэр итали хүн билэв үү? Үгүй юу? (Үгүй.) Нэр нь Итали мэт сонсогддог. Итали хүн байсан ч болоосой. За тэгвэл Микеланжело, зөв үү? Жишээлбэл, тэр бүр ч агуу. Тиймээс дэлхийн хүмүүс энд ирэх хэрэгтэй болдог. Дэлхий бүхэлдээ танай нутгийн зүрхэнд орших эдгээр гайхамшигт бүтээлүүдийг бишрэхээр энд ирэх хэрэгтэй болдог. Үгүй, үгүй, тэр Итали биш. Уучлаарай. Андуурчээ. ‘O’, ‘I’-тэй бүхнийг би Итали нэр гэж бодсон. Бертуччини, Микеланжело гэх мэт. Харин Ламборгинигийн хувьд? Тэр ямар вэ? Италийнх мөн үү? Тэр ямар үнэтэйг нь та мэдэх үү? Гурван зуун мянга орчим ам.доллар. Хамгийн үнэтэй машинуудын нэг. Феррари ч бас. Хамгийн алдартай, хамгийн үнэтэй. Бүр автомашинууд хүртэл Италид үйлдвэрлэгддэг. Тэгэхээр та бүхэнд ийм их адислал байна. Би цааш нь үргэлжлүүлж болох ч, танай эдийн засгийг сурталчлах гэсэнгүй, тиймээс бид ингээд зогсоё.Тэгэхээр энэ нь зүгээр л харуулж байна… БУРХАНД бат итгэвэл, бидний нуугдмал авьяас чадвар, Диваажингийн бүх баялаг бодит байдал болон илэрдэг гэдгийг л би хэлэх гэсэн юм. Мөн энд, та бүхэнд Ватиканы хаант улс оршин байдаг нь бас нэгэн их ивээл юм. Мөн танай нутагт заларч байсан ба заларч байгаа нинжин сэтгэлт, энэрэнгүй олон Хамба ламаар та бүхэн ивээгдсэн. Одоо ч та бүхэн хамгийн нэр хүндтэй, – хамгийн хайр хүндэтгэл хүлээсэн ариун хүмүүсийн нэг болох Хамба ламаар ивээгдсэн байна. Тиймээс та нар их баярлах учиртай. Та нар өдөр бүр БУРХАНД талархах хэрэгтэй. Би ч бас энд хэдхэн хоног саатахдаа хүртэл их аз завшаантай байна. Тиймээс та нарын зарим нь одоо ч бүрэн аз жаргалтай биш, БУРХАНЫГ илүү гүн таньж мэдэхийг үнэхээр хүсэж, БУРХАНТАЙ шууд ярилцах, БУРХАНД хүрэх, БУРХАНЫГ тэврэх, бүр БУРХАНЫ дуу хоолойг сонсохыг хүсэж байвал ... би энд богино хугацаанд байхдаа энэ нэмэлт боломжийг олгож чадна.Намайг уучлаарай. Энэ бол Европоос ирсэн тамхины утаа. Тийм ээ. Энэ тивд өнөөг хүртэл тархсаар буй таагүй зүйлсийн нэг. Өчигдөр би нэг зүйлийг бодож байлаа – би найзтайгаа ярилцсан юм– ийм найрсаг, цэвэр ариун хүмүүс яагаад ийм зуршилтай болсон юм бол гэж гайхаж байлаа. Би тэдэнд Миний бодлоор тэд хэтэрхий цайлган – хүн бүр тэдэнд юу л бол юу зардаг, тэд ч юу ч байсан худалдаж аваад, шууд хэрэглэж үздэг гэж хэлсэн. Гэвч энэ нь заримдаа биднийг харалган болгодог зүйлсийн нэг. Учир нь тэр нь тархины үйл ажиллагаанд саад учруулдаг. Тамхины утаатай зочид буудал, тамхины утаатай онгоц, нисэх буудал, таксинд хэдхэн хоног байгаад л би ийм болчихлоо. Надаас бүр цус гарч байна — хамраас минь цус гарч – чих минь сонсохоо больж; толгой минь хавагнасан. Өдөр бүр ингэж тамхи татдаг хүмүүс ямар өрөвдөлтэй вэ. Би үнэхээр өрөвдөж байна. Тиймээс бидний зарим нь хэдийгээр БУРХАНЫГ хайрлаж, таньж мэдэхийг хүсдэг ч, БУРХАНЫГ хэрхэн шууд олохоо мэддэггүй. Мөн бид сүнслэг мэдлэг, Тэнгэрлэг Хайрыг маш ихээр эрэлхийлэхдээ бид хэсэгхэн зуур бага ч болов сэтгэл ханамж, мансуурал, жаргал мэдрүүлэх юуг ч хамаагүй шүүрч авдаг. Учир нь эдгээр нь бидний гар дор байдаг орлуулагч зүйл юм.Гэвч архи эсвэл мансууруулах бодис, эсвэл тамхины адил эдгээр нь үнэндээ хор бөгөөд биднийг БУРХАНААС улам бүр холдуулдаг. Тийм ч учраас бид сүнслэг бясалгалыг хийхдээ хүмүүсийг ийм хорт зүйлсээс татгалзахыг зөвлөдөг.Photo Caption: “ЖИНХЭНЭ ГЭРЭЛТЭЙ учрах үед Жинхэнэ Мэдлэгийг танин мэднэ”
